Doux (Closed)

臨近聖誕，聚會嘅節日又到啦！今次就黎旺角依間樓上Cafe聚會😄一上到黎，Cafe 門面簡潔，但係入到去佈置簡約，燈光柔和，環境非常適合大家傾計嘅地方。餐廳都有花心思去設計比較grand嘅餐牌，配合返餐廳環境。Appetizer我地就叫咗一個「帶子甘藍沙律」。黑醋加埋少許生果粒混合一齊食，酸中帶甜，成個沙律都食落好Fresh! 帶子都好大粒，煎到啱啱好，有鮮味。主菜我地分別叫左兩個。第一個係「開邊牛油龍蝦意粉」。龍蝦夠晒新鮮，肉質彈牙，不過食落有啲論盡🙈再配埋蕃茄意粉，酸酸甜甜，越食越開胃😋另一個主菜係「經典漢堡」。漢堡包好足料，麵包烤到外皮酥脆，肉排好Juicy，牛肉味香濃。另外薯條係厚切，炸到唔太油膩。嘢飲方面，我叫左一杯「竹碳朱古力奶蓋」。未與奶蓋混合前，我覺得飲緊帶少許苦嘅黑朱古力；但混合後，就有啲似飲緊特濃朱古力奶，竹碳味比較少。朋友就叫左「Doux 熱水果茶」。有趣的是，餐廳係用虹吸式壺去沖調，感覺新鮮。水果茶不是我地平是飲開有甜度的茶，Doux嘅反而係有淡淡嘅花果香味嘅茶，沒有甜度，解渴一流👍🏻最後甜品我地叫左「Matches」。餐廳有花心思去設計整個甜品嘅擺設，十分得意！