Doux (Closed)

小編黎過兩次，揀哩度既原因係佢既view係可以睇到旺角高角度既 view🏙一覽無遺，食物方面，鍾意食牛既小編點會唔叫紐西蘭肉眼（$389）黎食，好juicy,黑松露蝴蝶粉（$178）、黑松露薯條（$78），仲有可以當生日蛋糕🎂既甜品-Ruby Peach🍑 ,雖然價錢係偏貴（全單加一服務費），份量亦不多，但食物質素同店內氣氛是值得的，小編略嫌服務不太理想，但氣氛同食物質素都十分適合同另一半慶祝生日/紀念日黎享受下💕服務：⭐️⭐️⭐️價錢：⭐️⭐️⭐️食物：⭐️⭐️⭐️⭐️性價比：⭐️⭐️⭐️⭐

講咗好耐約出嚟食飯，因為種種原因，最後卻只能補祝生日😌夜晚喺OpenRice Book咗呢間比較有氣氛嘅餐廳餐廳。龍蝦櫻花蝦明太子意粉💲277叫Set嘅關係所以有跟沙律菜+忌廉南瓜湯。紅菜頭沙律幾好食，朋友怕草腥味食唔到，而忌廉南瓜湯質地好水，唔creamy。意粉賣相唔錯，有半隻小龍蝦🦞。麵質一般，做唔到彈牙口感，而且汁水比較稀身，無辦法掛係意粉上面，有少少失望。味道方面正常，份量足夠！帶子泡菜蜆肉意大利飯💲188首先意大利飯放上嚟賣相都係一般，而且飯邊仲有氹水圍著，飯食落淋淋地無咬口，好明顯煮意大利飯落得多好多水，廚師無無乜機煮😐帶子OK，無過熟，加埋泡菜蜆肉一齊食唔錯。Deluxe House Burger🍔💲168驟眼睇感覺有啲普通，覺得喺擺盤方面可以做得更好。食落Burger意外地Juicy，有驚喜。而我個人食薯條都比較鍾意落黑椒，餐廳都有提供👍🏻，不過要主動問先會俾。🍟薯條夠熱夠脆！👍🏻最基本要求都做到，配搭黑椒+茄汁當然非常好食！唯一要改善就係擺盤可以花啲心思。Berry's💲42朋友生日當然唔少得叫個甜品，Book呢間餐廳都喺為甜品而來！賣相相當吸引，擺碟十分吸睛，#ig

📍旺角🍽Doux.已經去咗兩次，第一次去見到有員工係融合計劃嘅員工已經好impressed,雖然今次再去未見有，但食物都無令人失望～.🧀香烤牛油蒜蓉金文畢芝士 $148呢個係必嗌item~ 之前喺其他地方食過，但係芝士嗰邊非常之硬完全食唔到，但係呢一個係可以設成一件件嚟食，蒜蓉味亦都好入味！呢個份量兩三個人share都唔會太多～.🦞西西里牛油龍蝦開邊意粉 $198龍蝦意粉就不過不失啦，不過如果同心儀對象頭幾次食飯就唔好食啦，因為蝦鉗同蝦肉都要自己撩開⋯而且係唔可能優雅地整到的haha .#利利仁飲食雜誌九龍區

招牌甜品 - Ruby peach 主體係 fondant ruby peach mousse 桃味慕絲蛋糕，蛋糕中間(果核部份)係酸酸甜甜桃味的流心。蛋糕旁邊仲放咗peach liqueur jelly, 和mint & rye crumble裝飾，令成個擺盤更加美觀。Berry's同Ruby Peach不同，Berry外表是士多啤梨，但實際是white cheese mousse，反而裝飾的 balsamic strawberry和wild strawberry granite才是由士多啤梨。餐廳有落地大玻璃，食住甜品睇日落，好正。Dessert Menu

久違了的每月一餐，成4個月冇見，加上友人生日飯，梗係食好野，友人推介Doux，甜品及菜式都好吸引，仲要係告急黃店(見fb講做到5月30日>_<)必要去支持下，book了5位食晚餐，thank友人book位。 餐廳裝潢型格，特大玻璃窗可欣賞風景，我地5人坐最入，玻璃窗邊位，感覺更寫意自在。 Menu，要了3個Dinner Set，2個單點及2個甜品。 星空特飲，$58，粉藍色似天空，但係冇左星星....波子汽水味，內有爆爆珠。 Dinner Set-餐湯，南瓜忌廉湯，口感稠身，味道濃郁。 Dinner Set-沙律，賣相美觀，有紅菜頭、蘋果、薯仔等，味道清新。 小食拼盤，$148，炸芝士、薯條、炸蝦及炸雞塊等，味道正常水準。 鵝肝法蔥意大利飯，$208，似乎是招牌菜之一，鵝肝大件，味道甘香，意大利飯口感creamy。 Dinner Set-香煎澳洲安格斯西冷牛扒伴法式鵝肝，$328，口感軟嫩，但牛肉味唔算太濃，鵝肝香口。 Dinner Set-西班牙黑毛豬配蘋果燒汁，$308，肉質鬆化，醬汁酸甜幾開胃。 Dinner Set-輕煎北海道帶子·溫泉蛋

好似好耐無出旺角luuu 所以都特登揾左間小店😄😀哩間係食西式的甜品都係gimmick嚟的喔🤩😍黑松露薯條 真係好好食🤤😋啲薯條都算粗又長 炸得都幾好 配埋個醬真係無得輸🍟👍🏽龍蝦明太子意粉🦞🍝隻龍蝦都幾唔錯 肉質都唔錯下 啲意粉都好Creamy啵🤩😍麵質都好彈牙🦷同埋都🈶️好多明太子的喔😄😀整體都好吃RubyPeach 🍑甜品都非常出色又好吸睛👀✨🤩😍小妹表示🈶️加分喔😃😀甜品都真係幾有桃味 唔會太甜 味道適中 Nice‼️‼️

環境我一上到去就見到個夕陽，有居高臨下嘅感覺，同朋友聚下chill吓係幾正。食物主餐牌嘅價錢貴咗啲，本人無試到。只係食咗甜品ruby peach同lava, 甜品擺盤精緻有心機，就算味道唔係話好驚喜都可以呃下like嘅presentation 😛因為我本來係被ruby peach嘅poster吸引而去食，但去到先發覺價錢偏貴，餐牌上寫嘅用料又唔係高級食材。所以只係點咗甜品，甜品賣相吸引，甜度適中，可惜無想像中咁驚喜。又未去到值差不多100蚊嘅價錢，如果60幾70幾都還過得去。服務一般，無特別好貼心嘅服務。總結我唔會去多次，因為唔係101-201嘅價錢，而且呢個價錢嘅餐廳有更多選擇，呢間絕對會比下去。

今次朋友生日就上左去吃甜品 前後叫左三次甜品 全部都好得意 外表十分之適打卡 HONEY COMB成個甜品都係檸檬口味 好清新 好似充滿泡泡嘅感覺 好輕 入口即融 焦糖脆脆 帶出另外一個口感 連周圍啲沙冰都別出心裁係 蜂蜜檸檬味 成個甜品好統一大讚🤤 Chocolate好似水墨畫一樣嘅心太軟 藝術品一樣 一個圈圍繞心太軟 心太軟流心 唔會太軟 下面有一絲絲黑色棉花糖襯托 真係好用心 配上 朱古力嘅雪糕 真係100分 係我吃過最靚嘅心太軟 最後一個 就係 「TOMATO」 我地吃完就一般 雖然都好靚 不過「番茄」口感好怪 西瓜口味還是番茄口味比較難分辨 入面嘅餡料味被搶走 小女子不才 唔識得欣賞 沙冰甜甜地 周圍有玫瑰啫喱粒 我自己本身就唔好花類食材 所以 整體都唔太推薦

同朋友係旺角食完飯，難得有得見緊係會想見耐啲，所以OpenRice搵間幾靚嘅店，食埋甜品先散😆哩間嘅分子料理甜品真係好靚😍而且唔係得個樣，食落都好好味🤤仲有店鋪嘅環境唔錯，覺得都好啱情侶嚟食👫🏼.🐽Ruby Peach🐽佢嘅外型好似一個真嘅桃咁🍑但其實係一個桃味慕綠蛋糕，慕絲好滑，中間仲有層果醬，酸酸甜甜好清新。隔離仲放咗啲啫喱，仲有啲餅碎，配埋一齊食好夾😋.總括嚟講覺得哩間分子料理餐廳好特別，啲嘢食又靚又好味，之後會再嚟食🥰

係旺角，位置方便，仲要係黃店！依家OpenRice訂枱仲有八五折。入門口有酒精消毒，夠衛生。主菜食左煎鵝肝伴砵酒煮蘋果、紐西蘭鮮肉眼（5成熟）。最鍾意嘅係個鵝肝，煎得好香口，配埋蘋果一啲都唔漏。肉眼扒好重牛味。甜品叫咗一個Ruby peach，外型夠晒靚，粉紅色好適合情侶慶祝。不過可能食得太飽覺得冇咩特別。市道唔好，星期五夜晚八點全場坐咗大概5成客，唔太迫，幾舒服。值得一題係有個落地窗，望住旺角嘅街景，雖然啲嘢食唔算平，但係夜晚嚟夠晒氣氛。

呢排少左出街食野,所以今日又出黎食野啦,有個friend係甜品控,所以今餐又黎左食甜品餐啦!雖然呢間唔係甜品舖,但佢ge甜品種類都幾多下,最後我地揀左幾款黎開心share一齊食食物外觀幾精緻,價錢中上,但性格比超高,味道非常好,最鐘意就係藍色ge雪糕同藍色ge啫哩,外表好特別,令人好難忘從食物ge味道同埋外觀中睇到師傅ge用心,做得到色香味俱存!而舖頭入面環境都唔錯,坐得幾舒服,舖位都唔算難搵,好適合一大班朋友或者一家大細一齊黎garthering店員服務都非常好!餐牌上面其他主菜同埋菜式睇落都幾吸引,下次一於黎食正餐!!!非常值得一食再食ge好餐廳

當日同朋友去食我既生日飯～見都多人講唔錯就去試下～本身滿心歡喜去到餐廳～當日餐廳都好爆滿～我地訂了枱～但比了張僭建枱我地坐～都明白多人要利用空間～原本我地三個人～之後有多個朋友黎～就問佢可唔可以轉枱～我都明白多人你唔想轉～但可以有禮貌啲嗎？要加水又係粗聲粗氣～我所講全部都係一個女店員扎辮戴眼鏡～其他店員都有禮貌～我地最後四個人點了5樣食物～但只影了三樣～因為太嬲想食完快啲走～本身想叫甜品但算啦～三樣食物真心覺得唔錯～如果同男仔食就會比較細份～P.S.因為太嬲～只記得味道唔錯～但口感點樣就忘記了～如果服務態度可以改善會更好😢本身開心都不愉快🤦🏻‍♀️

情人節又來了，最好的節目就是和女友享受一餐浪漫晚餐。今年選了這間旺角西餐，餐廳氣氛一流，燈光柔和，配上落地大玻璃，景觀美麗，非常適合情侶前來。三文魚沙律首先叫了一碟三文魚沙律，沙律菜很新鮮，醬汁很特別，很開胃，加上有一片片的吉皮，感覺特別青新，配上大大片三文魚，頭盤已非常有驚喜。经典漢堡包漢堡包很juicy,加上肉質非常鮮潤，最特別是它的包皮，外脆內軟，內裏也配有沙律菜和醬汁，是我少數覺得一定要再試的漢堡。豬胺豬胺比想像中厚身，加上肉質很潤很滑，它的醬汁很野味，但反而不點醬汁更能吃出它的肉質香味。Ruby Peach 最後就是桃味甜品，賣相一流，打卡之選，最特別就是內裏有流心桃味醬汁流出來，看著又不捨得吃。真是難忘的情人節餐。

又到好友生日飯，她選了食西餐，地點由我挑選，今次揀了旺角一食廈，位置居高臨下，比較寧靜，環境舒服一點，可以好好享受一下。好友喜愛黑松露口味，所以揀了一款小食，意粉都用上黑松露醬煮成。黑松露薯條粗身薯條即叫即炸，新鮮熱辣，配上黑松露沙津醬，味道香濃突出，令薯條更加惹味。鵝肝意大利飯意大利飯用上芝士白汁煮成，入口香滑芝味濃厚，而鵝肝煎到外脆內軟，食落甘香肥美，堅正呀！黑松露什菌長通粉黑松露醬味道香濃，配上什菌最夾，長通粉軟硬適中，忌廉汁完全掛在通粉上面，入口香滑濃郁。Ruby Peach 非常特別的分子料理甜品，桃子外型討好，外層桃味薄脆，入內包著桃味mousse , 再配上桃味啫喱，薄荷餅干碎碎，整體味道香甜清新，桃味突出又不太甜。

話說有三個女人由聖誕節一路約 約到過埋年先出到黎食飯😂如果再咁閉關真係有排唔使見🙈朋友極力推介👀睇佢餐牌價錢都正常 西餐來講佢唔算太貴😗 不過都係果句，食左先知🤣上菜都算快，頭盤叫左三文魚沙律，睇個樣就冇乜特別，但佢除咗用新鮮做底，其實仲加咗蓮霧、橘子片、合桃乾同提子乾，配埋意大利陳年醋，好fresh，推介👍🏻嘢飲我叫咗熱水果茶，佢用咗蒸餾咖啡嘅方式，豐富視覺享受，幾得意，唔太甜幾好飲添😗Maincourse我哋叫咗個burger同埋紐西蘭肉眼扒，兩款都係佢哋推介嘅，個burger非常之重視，一切開肉質流晒出嚟，個包啱啱焗起好鬆脆🤤個steak 有驚喜嘅，真係medium rare 外層焦香Ge，但有一個小建議，希望佢加埋半個蒜頭去焗，配埋真係一流😌👍🏻Dessert佢推介呢款分子甜品，好得意有peach同Lychee味，個Plating同色彩配搭好靚❤️女仔會鐘意總括來講，呢間分子餐廳係好值得再嚟嘅，好多人都話呢一間同另外一間分子料理餐廳好似，個人兩間都食過，覺得Doux係味道方面係優勝d，但呢個始終都係好睇個人口味，性價比唔錯，我會再黎食