Video
Read full review
2024-01-17
189 views
餐廳環境高雅清新，除咗有室內座位之外仲有露天座位，非常開揚舒適；呢度除咗食物質素高之外，酒類款式亦衆多，啱哂我哋呢啲喜歡品酒又喜歡吹水嘅人士今次我哋叫咗👇8 Course Opera Tasting Menu $980 per person😋($1680 per person with French Wine Pairing)1.Parker house /whipped brown butter 自家製麵包及黑蒜白豉油牛油，麵包超鬆軟又夠新鮮熱辣，配合黑蒜白豉油嘅獨特香味，食完真係再想添食😋，不過要忍住留肚食以下嘅菜式😆2.Hamachi/ caviar儀式感大放送🥰，有專人為你打開個魚子醬盒，裏面除咗有矜貴食材之外，面頭仲擺放咗紫蘇花及金箔，非常適合打卡；Hamachi係用上關西大阪，至於Caviar當然係西班牙喇，加埋柚子醋啫喱，鹹鮮香共冶一爐，味覺及視覺嘅享受🤩3.Abalone /dill /rice cracker米紙係用有機酵母煮過，非常脆香，機煮鮑魚濃香腍滑又軟身，配上清新刁草汁、醃漬蘿蔔及獨特香味嘅食用花，整體非常平衡😋，最欣賞細節位係米紙底與食具用咗醇香濃厚嘅鮑肝醬
今次我哋叫咗👇
8 Course Opera Tasting Menu $980 per person😋
($1680 per person with French Wine Pairing)
1.Parker house /whipped brown butter
自家製麵包及黑蒜白豉油牛油，麵包超鬆軟又夠新鮮熱辣，配合黑蒜白豉油嘅獨特香味，食完真係再想添食😋，不過要忍住留肚食以下嘅菜式😆
2.Hamachi/ caviar
儀式感大放送🥰，有專人為你打開個魚子醬盒，裏面除咗有矜貴食材之外，面頭仲擺放咗紫蘇花及金箔，非常適合打卡；Hamachi係用上關西大阪，至於Caviar當然係西班牙喇，加埋柚子醋啫喱，鹹鮮香共冶一爐，味覺及視覺嘅享受🤩
3.Abalone /dill /rice cracker
米紙係用有機酵母煮過，非常脆香，機煮鮑魚濃香腍滑又軟身，配上清新刁草汁、醃漬蘿蔔及獨特香味嘅食用花，整體非常平衡😋，最欣賞細節位係米紙底與食具用咗醇香濃厚嘅鮑肝醬黏住👍
4.Leek and potato soup
大蒜薯仔湯聞落好香薯仔味，味道濃香，質地綿滑細緻
5.Threadfin/ ham dashi / lime leaf
馬友用昆布醃漬咗一晚，所以魚皮特別香脆，而肉質亦嫩滑鮮甜，魚味濃郁，同時配上鹹香火腿及鰹魚昆布做高湯，使得魚香嘅味道更為突出👍
6.Three yellow chicken (upgrape $280 served for two guests)
搽咗祕製醬汁嘅三黃雞，雞皮非常香脆，廚師將多餘嘅脂肪去除，所以食起上來完全唔覺油膩，肉質嫩滑爽口，連雞胸都唔覺得鞋口，而且非常入味
7.Carb/risotto
用上日本七星米，飯粒軟硬適中，並吸收哂龍蝦鰹魚汁嘅精華，配合蟹肉及魚籽嘅鹹鮮香，食到尾聲都想再添飯😋
8.Petit four
瑪德蓮貝殼蛋糕 - 放在熱石上，並灑上玉桂糖，香氣散發，口感鬆脆，入口仍有暖意，好有幸福感🥰
伯爵茶撻 - 面頭嘅蛋白餅非常香脆配合內裡香濃伯爵茶醬，食完口腔滿溢餘韻
玫瑰朱古力 – 入口即溶，非常軟滑
可麗露 – 外層焦香，內層鬆軟，口感Q彈
🍾Wellcome Drink
B & G Barton & Guestier Fine Sparkling Wine
清新口感，帶橘子味，非常引起食慾
Post
