開飯主義

Open Now

Now Closed

初次入大埔唔知食乜野好，於是喺openrice搵咗一吓，揀咗呢間，因為位置係中心地帶，而且見佢都幾多人食，最後都無令我失望。由於第一次去，穩陣起見，叫咗個阿差咖哩雞扒焗意粉，即係咖哩、雞扒同意粉，點整都唔會難食嘅組合。等咗大概5分鐘就有得食啦，離得遠遠都感受到嗰陣啱啱焗好嘅熱氣，忍唔住即刻開餐，表面有少少新鮮嘅沙律菜，加埋可以拉絲嘅芝士，清新與濃郁互相配合，十分開胃。雞扒都幾大塊，外皮香脆，內里肉質嫩滑多汁，唔會太老，意粉硬度剛好，彈牙，唔會太腍，以上兩樣主角都受到微微辣嘅黃咖哩汁襯托，越食越醒神，天氣凍凍地食就最啱。如果喺觀塘想食一個類似份量嘅焗意粉，我諗起碼要$4X尾，果然新界地區嘅物價真係低一啲。