Video
Read full review
2024-10-11
283 views
印度菜平時比較少吃，朋友最近帶我去灣仔嘅「Jo Jo Indian Cuisine」，話食物質素和性價比都高，而且餐廳是傳統家族式經營，原來都已經在灣仔有多年歷史，真係失敬失敬。喺點菜之前，佢哋都會免費送上餐前小食。薄脆片配薄荷醬，同埋羅望子酸辣醬，可以一邊等待美食，一邊食住脆卜卜的脆片。印度雞腿炒飯朋友力推這個「印度雞腿炒飯」。一上碟，香味撲鼻而來，印度米飯跟廣東人的不一樣，比較長條，粒粒分明，配上調味令到顏色金黃。雞腿肉炒得剛好，肉質嫩滑，每一口都有濃厚嘅印度香料味，而且唔會太油膩。蒜蓉薄餅食印度菜一定不可以缺少的薄餅，這裏的薄餅選擇十分多，我們最後選擇了蒜蓉薄餅。喜歡它濃濃嘅蒜香味，薄餅外脆內軟，熱辣辣。搭配不同的咖喱醬或酸奶醬，味道更加升華，真係好適合做為前菜、小食或配菜。南印度脆炸蝦（五香度蘭豆風味）「南印度脆炸蝦」，蝦炸得金黃酥脆，特別之處在於佢哋用咗五香度蘭豆粉，令蝦多咗一層獨特嘅風味，有椰子、咖喱葉的香味。第一次試這款風味，味道十分獨特，好味而且開胃！克什米爾咖喱羊肉接下來就係「克什米爾咖喱羊肉」。一碗熱騰騰嘅咖喱羊肉送上嚟，羊肉煮得非常入味，而且肉質嫩，配上克什米爾既
印度菜平時比較少吃，朋友最近帶我去灣仔嘅「Jo Jo Indian Cuisine」，話食物質素和性價比都高，而且餐廳是傳統家族式經營，原來都已經在灣仔有多年歷史，真係失敬失敬。
喺點菜之前，佢哋都會免費送上餐前小食。薄脆片配薄荷醬，同埋羅望子酸辣醬，可以一邊等待美食，一邊食住脆卜卜的脆片。
印度雞腿炒飯朋友力推這個「印度雞腿炒飯」。一上碟，香味撲鼻而來，印度米飯跟廣東人的不一樣，比較長條，粒粒分明，配上調味令到顏色金黃。雞腿肉炒得剛好，肉質嫩滑，每一口都有濃厚嘅印度香料味，而且唔會太油膩。
蒜蓉薄餅食印度菜一定不可以缺少的薄餅，這裏的薄餅選擇十分多，我們最後選擇了蒜蓉薄餅。喜歡它濃濃嘅蒜香味，薄餅外脆內軟，熱辣辣。搭配不同的咖喱醬或酸奶醬，味道更加升華，真係好適合做為前菜、小食或配菜。
南印度脆炸蝦（五香度蘭豆風味）「南印度脆炸蝦」，蝦炸得金黃酥脆，特別之處在於佢哋用咗五香度蘭豆粉，令蝦多咗一層獨特嘅風味，有椰子、咖喱葉的香味。第一次試這款風味，味道十分獨特，好味而且開胃！
克什米爾咖喱羊肉接下來就係「克什米爾咖喱羊肉」。一碗熱騰騰嘅咖喱羊肉送上嚟，羊肉煮得非常入味，而且肉質嫩，配上克什米爾既印度香料而煮成，一點臊味也吃不出。此外仲可以點酸奶醬，羊肉嘅香味同酸奶醬十分匹配，真係唔想停手。雖然咖喱味道濃郁，但唔會太辣，主要是咖喱香，適合所有口味嘅朋友。我喜歡配上薄餅，羊肉+咖喱+酸奶醬+薄餅，一口接一口，令人忍不住要加叫一份薄餅！
開心果雪糕最後，當然要有甜品！我選咗「開心果秘製雪糕」。雪糕是自家製，滑溜溜，開心果味道濃郁，唔會太甜，每一口都帶有開心果嘅香氣，好滿足。
Somersby Crush Rita Lime & Somersby Crush Orange飲品方面，我試咗「Somersby Crush Rita Lime」同「Somersby Crush Orange」。呢兩款飲品都非常清新，搭配印度菜都十分適合。
「Jo Jo Indian Cuisine」令我對印度菜有一種新體驗，豐富的香料運用配搭不同的食材帶給我不同的感覺和味蕾刺激。無論係食物質素、環境定服務都中上，令人得到愉快用餐體驗。
Post
