Video
Read full review
2022-06-16
27 views
呢度環境舒服，似高級嘅西餐廳。餐廳仲會播放一啲中東音樂，侍應以英文溝通為主，佢哋都係十分有禮貌而且會可以向佢哋請教該餐廳嘅招牌菜。kabuli pulao with mutton呢道菜係喀布爾抓飯加埋羊肉，上面仲有好多紅蘿蔔絲。佢地嘅抓飯質地似好碎嘅米粉，但食落一啲都唔乾架。紅蘿蔔好甜，仲食到羊肉嘅香味。羊肉口感腍滑易咬，而且一啲都唔騷，十分有驚喜。Lahori Chicken makhni (half)基本上每一枱客人都會叫嘅道菜，佢就係香料雞啦。味道似咖喱雞，當然係中東菜特有嘅醬啦。值得一讚嘅係，入味得黎又唔會好咸好辣，係正宗嘅中東菜味道。佢個汁用黎點naan bread絕對一流。而且雞肉都煮得好滑，每舊都啖啖用架。Garlic naan食中東菜又點少得naan bread，今日選擇左蒜蓉口味。呢到嘅蒜蓉味唔會好濃，但足夠調味。上枱嘅時候仲係外脆內軟，份量都好大舊，食完十分滿足啊。Chicken namkeen boti (10pcs)呢道菜真係十分令人驚喜，佢烤嘅雞球。每舊都大大粒，好有口感。好明顯食得出係用碳爐烤嘅雞，但一咬落去肉汁依然豐富。佢仲配埋洋蔥同檸檬塊比你自己配搭，加
呢度環境舒服，似高級嘅西餐廳。餐廳仲會播放一啲中東音樂，侍應以英文溝通為主，佢哋都係十分有禮貌而且會可以向佢哋請教該餐廳嘅招牌菜。
kabuli pulao with mutton
呢道菜係喀布爾抓飯加埋羊肉，上面仲有好多紅蘿蔔絲。佢地嘅抓飯質地似好碎嘅米粉，但食落一啲都唔乾架。紅蘿蔔好甜，仲食到羊肉嘅香味。羊肉口感腍滑易咬，而且一啲都唔騷，十分有驚喜。
Lahori Chicken makhni (half)
基本上每一枱客人都會叫嘅道菜，佢就係香料雞啦。味道似咖喱雞，當然係中東菜特有嘅醬啦。值得一讚嘅係，入味得黎又唔會好咸好辣，係正宗嘅中東菜味道。佢個汁用黎點naan bread絕對一流。而且雞肉都煮得好滑，每舊都啖啖用架。
Garlic naan
食中東菜又點少得naan bread，今日選擇左蒜蓉口味。呢到嘅蒜蓉味唔會好濃，但足夠調味。上枱嘅時候仲係外脆內軟，份量都好大舊，食完十分滿足啊。
Chicken namkeen boti (10pcs)
呢道菜真係十分令人驚喜，佢烤嘅雞球。每舊都大大粒，好有口感。好明顯食得出係用碳爐烤嘅雞，但一咬落去肉汁依然豐富。佢仲配埋洋蔥同檸檬塊比你自己配搭，加左檸檬汁就更加開胃，令人食指大動。個人私心推薦，呢個真係一定要試嘅菜式啊。
飲品方面有唔同嘅果汁同埋moctail，中東菜以肉類為主，可以選擇一啲水果類嘅飲品來解膩。今次選擇左香蕉奶昔，每一啖都會食到粒粒嘅香蕉蓉，而奶唔會好濃厚偏向清新。成個口味好獨特而且好配合到菜式口味。
Post
