大飯糖甜品小食屋 (Moved) New Location

好少入去天水圍個邊，同朋友食完大餐後，有啲意猶未盡，去食埋個糖水先捨得走。由於係洪水橋附近，所以揀左大飯糖黎做今晚既結尾。由於想食啲生果，所以冇揀到心太軟食，我啲朋友好多都食心太軟。我就揀左彩虹橋，有3.6牛奶軟雪糕，益力多爆珠，雜果，奶凍。原來係攞杯裝，搞到我要食晒啲雪糕先可以食生果，不過個軟雪糕撈啲爆珠又幾好食，所以算啦。啲生果都算新鮮，每款有三舊，有芒果，木瓜，西瓜，菠蘿，總共有12舊生果。個奶凍冇咩特別，可以唔講。總結：好多人食，可能個日太飽，所以未食到Lam Lam 脷，有機會可以再試下。