Video
Read full review
2018-06-08
467 views
下雨天黎到天后覓食，天后一向好多美食，香港食新疆菜既地方唔多，而我亦未食過，所有今日就黎到天山小館初嚐新疆菜。呢間餐廳除左有新疆菜之外，仲有川菜同埋粵菜。店內環境光猛，牆上有好多菜式照片可以參考，坐位闊落，坐得舒適。一坐低店員就即刻奉上熱茶。係我地睇緊menu既時候，老闆娘好熱情咁走黎同我地簡單介紹店內既菜式，亦推薦左幾款新疆菜式。menu內既菜式除左多元化，仲有好多選擇。最後我地叫左烤羊肉串、新疆手工拌面、水煮龍躉球、半份羊肉餡餅。男友本來想叫多個白飯，但老闆娘好友善咁提醒我地拌面都好飽肚，可以唔洗白飯都夠飽，建議我地真係唔夠食先再加單！呢樣野幾好，唔會由得我地係咁叫，叫完食唔曬又會做成浪費！烤羊肉串（＄20/串）烤羊肉串一叫係4串起，份量夠大，每塊肉都好大塊，用鐵枝串住，面頭佈滿孜然粉同辣椒粉。食落羊肉味足、唔騷、羊肉烤得好軟、重口味既我覺得可以鹹小小。羊肉餡餅（半份）＄50半份羊肉餡餅有兩個，一人一個岩岩好。餡餅外表炸得金黃色，咬第一淡好酥脆，而且唔油膩。食到有羊肉既時候有驚喜，好多汁阿！一路食d汁一路滴落碟到。羊肉碎有肥有瘦，加埋洋蔥碎係入面，調味剛剛好，羊肉一樣都係唔騷，好食
呢間餐廳除左有新疆菜之外，仲有川菜同埋粵菜。
店內環境光猛，牆上有好多菜式照片可以參考，坐位闊落，坐得舒適。一坐低店員就即刻奉上熱茶。係我地睇緊menu既時候，老闆娘好熱情咁走黎同我地簡單介紹店內既菜式，亦推薦左幾款新疆菜式。menu內既菜式除左多元化，仲有好多選擇。
最後我地叫左烤羊肉串、新疆手工拌面、水煮龍躉球、半份羊肉餡餅。男友本來想叫多個白飯，但老闆娘好友善咁提醒我地拌面都好飽肚，可以唔洗白飯都夠飽，建議我地真係唔夠食先再加單！呢樣野幾好，唔會由得我地係咁叫，叫完食唔曬又會做成浪費！
羊肉串
$20
31 views
1 likes
0 comments
烤羊肉串（＄20/串）
烤羊肉串一叫係4串起，份量夠大，每塊肉都好大塊，用鐵枝串住，面頭佈滿孜然粉同辣椒粉。食落羊肉味足、唔騷、羊肉烤得好軟、重口味既我覺得可以鹹小小。
羊肉餡餅（半份）
$50
22 views
0 likes
0 comments
羊肉餡餅
$50
39 views
0 likes
0 comments
半份羊肉餡餅有兩個，一人一個岩岩好。餡餅外表炸得金黃色，咬第一淡好酥脆，而且唔油膩。食到有羊肉既時候有驚喜，好多汁阿！一路食d汁一路滴落碟到。羊肉碎有肥有瘦，加埋洋蔥碎係入面，調味剛剛好，羊肉一樣都係唔騷，好食！
新疆手工拌面
$98
27 views
0 likes
0 comments
新疆手工拌面 ＄98
老闆娘同我地介紹新疆手工麵既菜式大概有兩款，麵都係自己人手打的，一個係凍食冇肉既新疆手工涼皮子，一個係熱食有肉既新疆手工拌面。身為食肉獸當然係揀左後者 新疆手工伴麵。一上菜，覺得個麵色澤好豐富，因為有紅椒粒、青椒粒、翠肉瓜粒、番茄粒、羊肉粒。而且配料比得好多，一d都唔孤寒！手工麵口感煙韌，味道一食係有小小番茄既酸味，跟住會有小小辣，因為有番茄，所以食落都算清新。
水煮龍躉球
$188
30 views
0 likes
0 comments
水煮龍躉球
$188
32 views
0 likes
0 comments
食左幾款新疆菜，試埋呢到既川菜。呢到既水煮魚用既係龍躉，有別於一般既川菜館。龍躉球冇骨，所以好適合食魚怕食骨既人。龍躉球好大片，大概有6塊左右。份量唔算好大，兩個人都可以食到。除左龍躉球外，仲有d紅椒、青椒、茄子同埋薯粉。龍躉球肉未算係好滑，但勝在夠大塊，厚肉，所以淡淡肉都幾開心。味道夠曬重口味，有d辣、小小麻、薯粉加埋湯汁食好惹味。
總括黎講，今次食新疆菜都幾滿意，除左菜式好多選擇，仲可以一次滿足埋食川菜同粵菜。服務好，店員加茶加得好勤力，老闆娘亦好好客，周不時同食客傾下計，又會關心下d食物岩唔岩食，好有人情味既餐廳。
Post
