小洋蔥 (Closed)

開張一段時間都係第一次嚟食 依間算係平民西餐喇~本生冇太大期望 但比想像中好先講依個湯 忌廉湯好香好濃 唔係平時街出面嘅罐頭忌廉湯 而蒜蓉包好香脆 即使我浸落湯咁食都仲係好香濃嘅蒜蓉味！正！然後我嗌咗個煙三文魚忌廉蘑菇意大利燴飯 味道係唔錯 不過飯嘅口感麻麻地 雖然唔可以攞真正正宗嘅意大利燴飯比 但係佢係似普通嘅白飯再煮爛啲 再加個白汁 影響到口感唔吸引 不過算係平民餐廳唔要求太高 而味道上比較清淡 有煙三文魚就會好啲 有反啲味最後野飲嗌咗杯檸蜜 依杯檸蜜味道好怪 應該係因為佢用冬蜜(?)嚟沖 導致好好好好好奇怪 飲咗兩啖就冇飲了 依杯個人覺得真係唔好嗌