陳六記飯店

Open Now

Now Closed

話說區區有食神又返到黎上水！身為上水牛既我竟然係俾區外住既男朋友帶我黎食！我淨係知佢係係舊德明隔離，原來陳六記竟然出名到呢個地步？環境係一間佬味重既舊式茶記，牆上貼滿左一張張淡彩色底既手寫菜名！我地當然記叫左招牌炭燒五層樓啦！識食既當然要加返碗白飯！係主菜未到既時候，姐姐見我地兩個人，就拎左兩碗例湯俾我地，正啊！蕃茄豬骨湯！飲完湯，燒肉到。燒肉例牌份量唔多，但一入口陣陣炭燒香味係個口入面遊走！肥瘦肉分佈剛剛好，跟埋一舊一口白飯！正啊喂！下次屋企加料可以重本少少黎呢度喇！