Green Tech Cafe (Closed)

而家越來越多人食素，今日就同朋友去到西環嘅呢間Cafe食午餐，餐廳環境都好寧靜舒適。我哋叫咗午市套餐，一個係黃金扒漢堡配薯條，原來呢個黃金扒係大豆纖維做嘅，個包好鬆軟同埋入面啲菜好新鮮呀，個汁原本以為係茄汁，原來係特製嘅長，比起茄汁更加酸，好開胃。另一個我叫咗上海粗炒，呢個一上菜就聞到佢嘅麻油香，入面有好多木耳絲，加上一啲小白菜，炒得好香，即叫即整有鑊氣。午餐有南瓜湯，味道清清淡淡，飲到南瓜嘅味道。間唔時食下都唔錯。