巴巴串

Open Now

Now Closed

今晚去咗一間自轉串燒放題餐廳，串燒食得多，但係自助串燒真係第一次體驗，感覺好新鮮！每張枱都有一個自轉串燒機，完全唔使擔心燒焦，真係好方便。如果唔想自己燒，仲可以直接落單，有專人即燒送到你枱，服務一流。食物方面，選擇非常多樣化！首先，安格斯牛的質素非常高，無論係牛板腱、牛仔骨定牛粒，味道都好濃郁，肉質鮮嫩，每一口都好滿足。皇室無激素豬腩肉亦都唔錯，肉質滑嫩，入口即化。至於其他選擇，雞泡魚乾味道特別，海鮮方面的鮮甜扇貝令人驚喜，口感非常好。最後，脆炸榴槤波波更係一個意外驚喜，外脆內滑，味道獨特，食完又想再食多幾個！除了肉類，仲有各式各樣嘅蔬菜、熟食、甜品、飲品同埋雪糕，都係可以任飲任食。