巴巴串

Open Now

Now Closed

呢度既位置好闊落每一個都係卡位, 所以會坐得好舒服😌 食物方面主要分左三個套餐, 有最基本既自轉串燒放題, 美國安格斯牛放題, 美國SRF和牛西班牙伊比利亞黑毛豬放題, 價錢平均$238-$298, 任食黎講相當抵食🤗美國安格斯牛放題🐄($268)呢個係平日兩小時任食既價錢, 包左任食牛同埋自助串燒吧, 甜品, 小食, 熱食, 飲品, 甜品相當豐富😍自助串燒既部分都有好多選擇, 豬肉同雞肉都醃得好入味好好食, 仲有我最愛既翠玉瓜, 仲有煎蓉包, 識食一定要戈自助醬料吧度再加啲蒜蓉, 最後仲有燒棉花糖就完美喇😌 熱食既部分除左自助區之外, 仲可以用紙仔落單, 即叫即整好新鮮熱辣, 最吸引到我既係巴巴炒烏冬同炸泰式魚餅, 最貼心係有菜食, 啱曬每一餐都堅持要食到菜既我, 另外仲有自助區既德國鹹豬手同葡撻都好好食😋 甜品方面有水果同蛋糕類, 當然唔少得本地品牌既雪糕同雪條啦🥰 飲方面都幾多元化, 有各式各樣既紙盒飲品, 最特別係有青檸口味既梳打水, 另外仲有熱茶, 五花茶, 酸梅湯😊✨安格斯牛板腱安格斯牛仔骨✨安格斯牛粒✨安格斯封門柳✨皇室無激素豬腩肉✨雞泡魚乾✨鮮甜扇貝✨脆炸榴槤波波呢度既

一直都覺得食自轉串燒好得意同埋好方便，由得啲串燒自己轉吓轉吓就食得😋今次就來到位於觀塘嘅巴巴串吃返餐自轉串燒嘅自助放題，餐廳裝修有格調，而且座位闊落舒適～套餐B (美國安格斯牛放題)(120分鐘)💰HK$268今次就同朋友食呢個美國安格斯牛放題！如果想食和牛的話，餐廳仲設有套餐C可供選擇，有美國SRF極黑和牛、紐西蘭羊架同埋日本松葉蟹腳等等可以瘋狂任食～✨肉類及海鮮套餐B主要有安格斯牛板腱、安格斯牛仔骨、安格斯牛粒、安格斯封門柳、皇家無激素豬腩肉、雞泡魚乾同埋鮮甜扇貝等等可以瘋狂任食，真係好正啊～✨自轉串燒串燒嘅種類多達幾十款，今次就食咗咖哩雞肉串、帆立貝、多春魚同台灣腸等等！每款都各有特色，其中咖哩雞肉串同埋台灣腸嘅味道最有驚喜～✨熱食餐廳仲有提供多款熱食可以任食，推薦一定要食皮脆肉嫩嘅脆皮豬手，仲有即叫即炸嘅炸美國扭扭薯條、炸泰式魚餅同埋炸墨魚腐皮卷，當然唔少得即叫即燒嘅鹽燒海蝦同埋蒜蓉焗蠔啦～✨甜品、雪糕最後食埋香甜可口嘅精美蛋糕、奶凍、芒果布甸同埋港式品牌雪糕，咁就夠哂大滿足啦～✨飲品仲有各式各樣嘅罐裝飲品同紙包飲品等等添～

【觀塘區】【巴巴串】喺觀塘做嘢，見到呢間無火串燒放題，有串燒任食，好似幾正，就叫咗感應姐過嚟陪我試咗佢。佢有三款餐，係有唔同數量嘅嘢食選擇，我哋揀咗中間嗰個 B 餐，即係 $268 嘅「美國安格斯牛放題」，呢個價錢係限時兩小時嘅，仲可以揀 $318 係無限時嘅。入到去個氣氛好好，無火串燒燒肉設備安全又舒服，啲串燒放落機度就識得自己轉，燒雞翼真係一流，啱晒冇耐性嘅我。當然除咗雞翼，仲有任食自助吧，除咗串燒，仲有前菜、熱盤、甜品都係任食。另外仲有其他即叫即整嘅熟食，叫咗先整，唔怕凍晒。嘢飲方面都係任飲，但係場地所限唔飲得酒，店家就貼心咁預備咗無酒精版嘉士伯等大家解吓酒癮。而佢哋仲有唔少甜品可以揀，不過我都係中意佢哋啲生果，我自己都估唔到。我去嗰日有菠蘿同哈密瓜，兩者都係又甜又好食，食完啲油膩嘢，清吓個口一流。。。（地址：觀塘開源道62號駱駝漆大廈第一座5樓C室）@ba_ba_cue#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodi

巴巴串觀塘開源道62號駱駝漆大廈第1座5樓C室經開觀塘，老友推介串燒放題，任飲任120分鐘，環境舒適，食材新鮮，大滿足！😽美國安格斯牛放題安格斯牛板腱、安格斯牛仔骨、安格斯牛粒、安格斯封門柳、皇室無激素豬腩肉、雞泡魚乾、鮮甜扇貝和脆炸榴槤波波。口感煙韌，肉汁豐富，肉味香濃，推薦！😻自助吧任食串燒配料新鮮，爽口彈牙，肉汁豐富，款式夠多，有新鮮菠蘿、香甜粟米、鮮冬菇、翠玉瓜、韓式泡菜豬腩肉、原味豬腩肉、秘製叉燒粒、秘製豬頸肉片、秘製牛肋肉串、黑椒牛柳粒、鹽燒熟牛脷、黑椒雞中翼、麻吉燒、秘製醃嫩雞柳串、香辣火雞腎、墨魚丸串、芝心丸串、牛丸串、芝士腸串、紅布腸串、香腸串、台灣腸串、煙肉片、煙鴨胸 、墨魚咀、日本刺身級帆立貝、大蜆、紐西蘭青口、棉花糖和香脆蒜蓉法包，每樣食一串已經正到爆。😋前菜、熟盤、甜品配料有海蝦、翡翠螺、藍青口、中華沙律、蒜味螺肉、泰式鳳爪、秘製泡菜、酸辣青瓜、麥樂雞、印尼蝦片、炸蝦、焦糖爆谷、老火湯、芒果沙律、煙三文魚沙律、大蝦沙律、椰汁紅豆冰、泡芙、西瓜、哈密瓜、菠蘿、香港品牌雪糕、大廚推介熟食和精美蛋糕，太瘋狂了。😍即叫即製有巴巴炒烏冬、腐乳糖生菜、蠔油菜心、惹味燒韭菜

有時候烤肉夾來夾去真的會烤累，這裡的自轉燒烤串輕鬆好玩店裡分幾個自助套餐，我點了中價的自助，除了基礎的串燒甜點飲料涼菜以外，多了安格斯牛肉，雞泡魚乾，扇貝，炸榴蓮球隨便吃⭐前菜有凍海鮮海蝦，螺，青口⭐基礎串燒大概有二、三十款在冰櫃裡，有雞翼，香腸，牛羊豬肉，麵包，棉花糖，玉米等等。 直接插進他的烤爐上就能自己轉⭐炸物，部分燒烤，熱菜可以寫紙點，有薯條，炸墨魚捲，單骨雞翅等等⭐單點燒烤有蒜蓉燒蠔，海蝦，羊肉串等等⭐自取還有一點涼菜和熱菜，像是無骨鳳爪，螺肉，中華沙拉，辣魚蛋等等⭐b餐還能叫麻辣雞煲📌推薦菜餚單點羊肉串，單點炸單骨雞翅，單點炸墨魚腐皮卷，多春魚串燒，烤棉花糖，燒雞泡魚乾，年糕魚餅，燒菠蘿餐廳最好玩的是給我一種bbq的感覺，童年回憶一下子回來了，小吃像大食會，自轉燒烤的食材和自己塗蜜糖像去旅行bbq📌適合人群愛吃肉人士，朋友聚餐，帶小朋友來邊玩邊吃另外還有c餐適合想吃豪華點的朋友，我覺得要體驗感的話a或b已經很足夠

巴巴串今次要介紹喺駱駝漆大廈第一座5樓入面有一間自轉串燒放題叫「巴巴串」，我哋揀咗A+B餐即係自轉串燒放題+美國安格斯牛放題，A+B餐（120分鐘）1930前離座成人價錢$238，小童價錢$128，全場大部分都係卡位，得一張圓枱適合輪椅人士坐，我就係坐果張圓枱，店員都好樂意安排同招呼我！A+B套餐包括有：自轉串燒放題安格斯牛板腱安格斯牛仔骨安格斯牛粒安格斯封門柳皇室無激素豬腩肉雞泡魚乾鮮甜扇貝帶子脆炸榴槤波波必叫之選：蒜蓉焗蠔炸香辣單骨雞翼熟海蝦翡翠螺藍青口香甜粟米串棉花糖串新鮮菠蘿串芝士丸串酸梅湯雪糕甜品2人總共價錢$523.6，其他有加一服務費！個人口味總評分：8/10@ba_ba_cue   地址：觀塘開源道62號駱駝漆大廈第一座5樓C室Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#巴巴串 #自助餐 #任燒任食 #觀塘 #觀塘好去處 #觀塘美食 #駱駝漆大廈 #香港美食 #hkfoodie #hkfoodblogger #hkfoodpic #hkfoo

呢間觀塘串燒放題簡直係懶人天堂自轉串燒勁方便 放落去燒烤架就可以等食用旋轉嘅原理令到食物均勻受熱 真係特別好味揀左中間價位嘅美國安格斯牛放題人均$200幾就任食120分鐘想慢慢食加$50就可以無限時任食想食豪啲就可以揀埋SRF和牛放題仲包埋紐西蘭羊架同松葉蟹腳安格斯牛肉：肉質軟嫩又多汁蒜蓉燒蠔：蠔肉勁肥美惹味雞泡魚乾：香脆可口配埋啤酒一流超鮮甜燒扇貝：肉質爽彈 鮮味十足仲有勁惹味嘅麻辣雞煲 同埋各款炸物、熱食、冷盤、前菜、甜品、雪糕！真係食到你唔想走連飲品都係任飲架！啱晒大胃王黎挑戰

今晚真係食左好多野，3款放題分別有 自動串燒放題❤ / 美國安格斯牛放題❤ / 美國SRF和牛西班牙伊比利亞黑毛豬放題❤ 十幾款自助串燒，豬牛雞海鮮蔬菜，應有盡有!!! 多款醬汁自己調味，無火電爐同時網燒同串燒，岩哂又懶又想試唔同野既你!麻辣雞煲❤真係今晚既MVP! 湯底夠麻夠辣，香料味濃，細細一煲，有1/2都係香料，真係一D都唔手軟，呢個絕對係必點。雞肉鮮嫩唔嚡口，食完雞煲仲可以叫其他食材打邊配，真心一流!!!等食既同時仲有炸物❤同另外落單叫廚房安排既燒物❤，中意食蠔❤既都唔好走寶，蒜蓉燒，啖啖肉，勁juicy。同埋佢地既羊肉串❤，如果你怕羊味，就絕對可以放心，零so味!!!自助區仲有熟海蝦❤翡翠螺❤印尼蝦片❤焦糖爆谷❤自家製既泰式鳳爪❤泡菜❤等等，就咁睇文字都覺得好長氣... 而當中佢地既排骨❤真係好出色，食左勁多件，好好好香酒味~ 仲有N款飲品❤ 甜品❤ 雪糕❤店員❤都好細心好好服務，仲有獨特創意好味唔同食材既食法介紹，直情有家既感覺!!! 而且餐廳仲做緊生日月份優惠❤，五人同行一人免費再送埋生日蛋糕同香檳人多黎食，絕對絕對大 滿 足!❤❤❤

食咗個超級豐富嘅串燒放題！真係飽到喵肚漲卜卜呀！😻 呢間餐廳主打無火串燒，唔使自己燒，啲串燒會自己喺機上面轉，真係啱晒我呢啲懶惰嘅喵星人！😂 而且仲有好多其他嘢食，好似熱盤、甜品、雪糕等等，簡直係美食天堂！✨ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 自轉串燒一入到去，喵大人嘅目光就被琳瑯滿目嘅串燒吸引住啦！😍 有齊雞肉、豬肉、牛肉、海鮮等等，仲有喵大人最愛嘅翠玉瓜同埋台灣腸！🤤 每款串燒都醃得好入味，燒得好香，真係忍唔住一串接一串咁食！😋 特別要讚吓佢哋嘅咖哩雞肉串，咖哩味香濃惹味，真係好正！👍🏻✨2）熱食除咗串燒之外，「巴巴串」仲有好多熱食提供，例如蒜蓉焗蠔、炸泰式魚餅、巴巴炒烏冬等等，款款都好好味！😋 喵大人特別鍾意佢哋嘅蒜蓉焗蠔，蠔肉肥美鮮甜，加上香濃嘅蒜蓉，真係令人回味無窮！🤤✨3）甜品食飽主菜之後，當然唔少得甜品啦！🍰 「巴巴串」嘅甜品款式都幾多，有蛋糕、奶凍、布甸等等，仲有唔同口味嘅雪糕同雪條！🍦 下次諗住叫C餐，除咗自轉串燒之外，仲可以任食安格斯牛肉！仲有西班牙伊比利亞黑毛豬等等高級食材，好抵食！🤩😻吸喵指數：8/10🤍安全又

觀塘想食嘢唔知食咩好？可以考慮下呢間串燒。呢度既位置方便mtr行過嚟唔遠，鄰近apm 食完可以行下街。餐廳座位闊落，坐得舒服唔會好逼。加上人唔多可以同fd一邊食一邊傾。放題主要分左三個套餐，有基本既串燒放題，美國安格斯牛放題，同美國SRF和牛西班牙伊比利亞黑毛豬放題，價錢唔使$300，以任食黎講唔算貴！今次嗌咗中間嘅美國安格斯牛放題，可以任食2hour，有自助串燒吧，同自取甜品同飲品。亦有幾款熱食同小食可以order，即叫即整。自助串燒有好多選擇，有豬肉有雞肉有牛，亦有唔同嘅蔬菜。咁多款入面最好食係燒棉花糖。熱食同小食可以用紙仔order，有炸燒賣、煎餃子同炒烏冬等，得幾款選擇試哂都冇難度。甜品有阿菠蘿雪條同啫喱糖，飲品相對多元化，有紙包飲品同各款汽水。

天氣都開始凍返，好想去燒野食但又唔想入屯門咁遠，搵搵下就俾我見到呢間串串店啦。上到去店員仲俾我入去睇下自助區既食物選擇先再同我介紹佢地既套餐，佢有A/B/C 3個既串燒放題，想食靚少少肉既我就揀左B餐-美國安格斯牛放題，佢仲有更正既C餐-美國SRF和牛西班牙伊比利亞黑毛豬放題。佢C餐仲有和牛食性價比超高啊坐底就會上有海鮮肉類既大拼盤，海鮮記得要在調味區加蒜同牛油啊同場仲有好多炸物揀仲要係即炸俾你超正啊黎到最尾食埋個甜品同雪糕成晚勁滿足，同埋佢野飲都好多選擇

又去到觀塘駱駝漆大廈搵野食，今次決定食串燒！🌸C餐 美國SRF和牛西班牙伊比利亞黑毛豬放題（120分鐘）餐廳採取半自助形式，大部份串好左既肉（叉燒、牛柳粒、雞翼、雞肉、多春魚、豬頸肉等等）都系出面雪櫃自取，仲有棉花糖、蒜蓉包、菠蘿等燒烤必食既食物！除左基本既串燒仲會有落單叫既炸物（燒賣、扭扭薯條、單骨雞翼等）即叫即煮既炒烏冬、蔬菜。仲有即叫即燒既蒜蓉生蠔、豬大腸、海蝦、牛仔骨、羊肉串。外面自助區亦有冷盤海鮮、熟食，湯、日式前菜小食、水果、甜品、雪糕應有盡有。一串串既燒肉就咁放系爐上面會自己轉，坐系度等就有得食～

約左朋友食飯吹水💦，揀左觀塘既“巴巴串”🍢，放啲串串上個架就自動轉，另一邊就有個網放上去燒，真係好方便。套餐分別有A,B,C餐，A餐係自轉串燒放題，基本出面自助既串燒🍢，前菜，熱盤，甜品🥧，炸物🦪全部都食得，另外仲有即叫即整既野食，款式勁多。套餐C都好吸引，可以＜瘋狂任食＞美國SRF極黑和牛，美國SRF極黑和牛粒，西班牙伊比利亞豬梅肉，紐西蘭羊架🐑，日本松葉凍蟹腳🦀。但朋友揀左套餐B，除左套餐A既所有野食外，又係可以＜瘋狂任食＞安格斯牛板腱，安格斯牛仔骨，安格斯牛粒，安格斯封門柳，皇室無激素豬腩肉，雞泡魚乾🐡，鮮甜扇貝，脆炸榴槤波波，另外我地追加左雞煲🐔，雞肉非常入味，麻辣🌶夠惹味。我最鐘意食粟米🌽（有提供牛油），蒜蓉包（燒到脆卜卜最正），雞翼（終於吾洗燒到濃晒，自動轉真係好方便），牛舌（肉質軟淋），翠肉瓜（可以幫助去油膩感）。即叫即點一定要點蒜蓉焗蠔，新鮮夠大隻，熱盤既辣魚蛋大大粒非常入味，套餐B既安格斯牛味濃郁，扇貝夠新鮮，雞泡魚乾燒完香脆惹味，真係要 encore。最後梗係要食雪糕啦，估吾到有7隻味咁多，雪條都有3款。📍巴巴串🐔觀塘開源道62號駱駝漆大廈第一座5樓C室#串燒 #自

今日我去觀塘睇啲工廠大廈入面嘅傢俬舖，行咗幾個鐘頭之後超級肚餓，竟然發現呢間有任食串燒同燒物，啱啱好有位，於是就決定上去試一試！呢度有A、B同C餐，兩個鐘頭任食。 A餐任食串燒同炸物 B餐開始有安格斯牛、雞泡魚乾同扇貝等 C餐竟然有長腳蟹同黑毛和牛！我哋最後揀咗B餐！安格斯牛、扇貝同雞泡魚乾安格斯牛質素好高，肉嘅紋理清晰，果然一燒十幾秒就好香，一咬入面完全唔韌，牛味濃郁！扇貝同雞泡魚乾味道都幾好，唔錯唔錯。任食串燒我哋試咗雞肉串、雞翼串同牛柳串！放喺自動燒烤機，真係可以解放雙手，傾偈食得！任食串燒質素都好高，完全唔韌。除咗肉，仲有燒菠蘿、棉花糖等等，好味！任點菜式除咗燒肉同串燒，餐廳仲有紙仔俾你任點。我哋試咗蒜蓉燒蠔、燒牛仔骨、鹽燒海蝦同埋啲菜，全部都好不錯！特別係牛仔骨，一入口好易咬，牛味十足！最後，我哋食咗個芒果同伯爵茶雪糕，超級飽！下次要過嚟試埋C餐，狂食長腳蟹同和牛啊！

呢間餐廳有任食ABC餐，C餐係有一d靚d既牛肉食，我地坐低左之後就叫左一d熱食同炸物，炸物即叫即炸，有薯圈，炸燒賣，炸單骨雞翼單骨雞翼脆卜卜口感好似食緊m記既炸脆香雞翼甘，好香脆，單骨比較方便食，泰國魚餅，炸餃子等等，仲有串燒爐俾客人放串好既串燒放落去燒，燒牛仔骨係即叫即燒，其他食物選擇都幾多，雪糕有雪糕杯同埋雪條。燒台灣腸同燒棉花糖比較特別。燒雞泡魚乾煙韌，呢度既炸物款式多，咖啡同伯爵茶味雪糕都幾特別。