Oui Oui Bistro (Closed)

聽聞呢間cafe係由法國藍帶廚師主理，身為美食愛好者當然要去朝拜一下。 位於深水埗區嘅 cafe， 門面都出現咗藍帶廚師主理呢幾個字樣黎吸引顧客。 內在環境都非常舒適，有一張大大嘅梳化，配搭上昏暗嘅環境，格調升級。 叫咗一杯caramel cappuccino 同埋一杯hazelnut latte。兩杯都好濃味好飲，但個人較喜歡 hazelnut latte， 榛子味同埋拿鐵配搭恰到好處。 呢個係呢度最出名嘅 Benedict ，做得出色之處係佢嘅蛋黃醬同埋蛋黃汁混埋一齊好香好濃郁， 食幾多都唔覺膩， 但就略嫌個汁唔夠熱燙 減咗少少分。 再叫咗依個fresh seafood crepe。 貪佢未食過， 雖然味道係唔錯，蛋黃醬味濃配搭上個crepe, 鬆軟嘅口感出曬嚟，但反而啲青口我就覺得普通，同埋有沙。 最後就到啲甜品，甜品就做得幾好，最好食嘅係個雪糕有好多朱古力碎，增加口感。