Video
Read full review
2023-04-13
56 views
🌈Dinner 9道菜tasting menu - 💰1480/位(新張優惠，原價💰1880/位)✨Oouli Bu Gak📝紫蘇油炸及三次風乾釜山海苔及濟州海藻，食落真係好簿同酥脆，碟邊加咗三色豆腐醬好開胃，個底啲芝麻片店員話係伴碟唔prefer食，我試咗幾塊係會帶啲苦味✨Jagal - Chi📝韓國左口魚刺身，72小時醬油蝦，吞拿魚刺身，3款都可以點韓式辣醬+豆瓣醬✨Deul Kkae - Juk📝韓國當造特色蔬菜、韓牛、新鮮蜆肉螺肉、同自家大米15小時以上烹調傳統粥，食落好似risotto，味道濃郁，可以點埋個簿脆米塊嚟食！✨Han - Ip📝章魚片、韓國橡子果凍配炸豆腐鱈魚籽三文治，賣相好靚打卡一流，橡子果凍整到好似成朵花咁，放上新鮮嘅章魚🐙，另外配上好香脆嘅炸豆腐鱈魚籽✨Bo Yang - Sig📝韓式參雞湯燴飯，上枱嘅時候店員會拎住人參酒噴落個飯，好似香水樽咁，食落去有條條嘅雞絲，仲有脆簿片嘅參，同平時飲嘅人參雞湯別有一番風味！✨Jili - Tang📝海鮮清湯配烤釜山鮑魚，個湯面頭打成泡，加咗辣椒粉，白蘿蔔粒索晒湯嘅精華主菜(每人3揀1)✨Jan Chi📝烤韓國頂級1++
🌈Dinner 9道菜tasting menu - 💰1480/位(新張優惠，原價💰1880/位)
✨Oouli Bu Gak📝紫蘇油炸及三次風乾釜山海苔及濟州海藻
，食落真係好簿同酥脆，碟邊加咗三色豆腐醬好開胃，個底啲芝麻片店員話係伴碟唔prefer食，我試咗幾塊係會帶啲苦味
✨Jagal - Chi
📝韓國左口魚刺身，72小時醬油蝦，吞拿魚刺身，3款都可以點韓式辣醬+豆瓣醬
✨Deul Kkae - Juk
📝韓國當造特色蔬菜、韓牛、新鮮蜆肉螺肉、同自家大米15小時以上烹調傳統粥，食落好似risotto，味道濃郁，可以點埋個簿脆米塊嚟食！
✨Han - Ip
📝章魚片、韓國橡子果凍配炸豆腐鱈魚籽三文治，賣相好靚打卡一流，橡子果凍整到好似成朵花咁，放上新鮮嘅章魚🐙，另外配上好香脆嘅炸豆腐鱈魚籽
✨Bo Yang - Sig
📝韓式參雞湯燴飯，上枱嘅時候店員會拎住人參酒噴落個飯，好似香水樽咁，食落去有條條嘅雞絲，仲有脆簿片嘅參，同平時飲嘅人參雞湯別有一番風味！
✨Jili - Tang
📝海鮮清湯配烤釜山鮑魚，個湯面頭打成泡，加咗辣椒粉，白蘿蔔粒索晒湯嘅精華
主菜(每人3揀1)
✨Jan Chi
📝烤韓國頂級1++韓牛，牛肉juicy粉嫩，配上fresh嘅紅蘿蔔🥕醬同大蔥、雞脾菇伴碟
，另一款試咗36小時慢煮濟州黑毛豬，好有油香，可以包住紫蘇葉同香甜嘅白蘿蔔包住嚟食，中和番個油膩感，無試嘅一款係烤釜山鰻魚，唔想咁重口味可以揀呢款！
✨JinSu -Sung Chen
📝fine dining好特別係去到尾二1道菜有啖啖嘅白飯，用咗餐廳老闆釜山自家農場嘅米再用壓力煲煲成，食落好有米香，係煮得偏軟淋，配上咗5種時令釜山伴菜，送飯簡單美味，鍾意其中一款辣魚肚，佢大部份嘅配菜都係自家製，好有住家嘅味道，側面配有48小時鰻魚湯，味道鮮甜！
✨9 Hu - Sig
📝糯米年糕窩夫🧇食落Q彈富糯米香，微甜外脆內煙韌，配埋自家製雲呢拿雪糕好match
OOULI
@oouli_
📍 銅鑼灣糖街25-31號 Sugar+23樓
(銅鑼灣🚇E 出口行4分鐘就到)
💫評分: 7.3/10
💬環境幾舒服，記得想睇夜景要book枱嗰陣request定，餐廳居高臨下景色好靚，可以靜靜地享受美食，fine dining食咗～4個鐘，仲有2間private rooms可以book，嘢食唔想食tasting可以散叫，另外韓國老闆好好咁會同每一枱打招呼問啲嘢食好無食，最impressive係老闆請我哋飲3日前釀製嘅栗子🌰米酒，試完超想叫佢俾多啲🤣🫶🏻或者自己學吓點釀🤣
❣️再訪？🄼🄰🅈🄱🄴
#oouli #韓式 #韓國菜 #銅鑼灣 #銅鑼灣美食 #fusion菜 #fusion #finedine #finedining #小店 #discoverhongkong #hkfoodie #hkfoodieblogger #新開 #推介 #餐廳推介 #好西 #吃貨 #相機食先 #香港美食 #正宗 #topcitybites #打卡 #香港打卡 #高質 #必食 #生日飯 #生日 #慶祝
Post
