Video
Read full review
2018-02-25
552 views
一直都好想試吓玩飛鏢，好多時見到啲飛鏢機都想過去玩，但明知自己運動同遊戲天份都係零，所以都唔敢獻醜。朋友專誠搵嚟一間酒吧，喺正尖沙咀諾士佛臺，六點過到嚟，仲未有人玩飛鏢機，即刻去玩吓先，$5/player，可以慢慢玩，冇壓力！玩完，證明我真係玩唔掂囉！！！好彩冇乜人睇到！酒吧中間有兩張「電子感應Beer Pong球桌」，聽講係香港人設計 ，好顯眼，可以考考大家投球技巧同運氣，如果一班朋友嚟玩相信氣氛會更好！呢間酒吧都幾新幾大，最舒服係有梳化位，Gathering或睇波就最啱！玩到攰，可以坐低飲吓野食吓野。坐低就望到個平板嘅Drink Menu介紹【季之選 中國風韻】嘅雞尾酒，用料係中國茶或保健常用嘅材料，仲列明有咩功效。最搶眼係用一隻喺我細細個喺婆婆屋企見過嘅萬壽無疆杯裝住，夠晒中國風韻。或者受到隻杯嘅影響，上枱時有一刻以為係熱飲嚟，原來係凍嘅。一打開兩杯酒都有啲小小花瓣喺泡沫上面，配合埋隻杯，望落都幾華美，中國風X雞尾酒，第一次試，係幾特色嘅。兩杯都係酒味唔重嘅甜酒，容易入口。【傾國傾城$128】桂花、杞子、桂圓、紅棗、杜松子酒【閉月羞花$128】茉莉、青蘋果、荔枝【香蒜白酒煮青口$
酒吧中間有兩張「電子感應Beer Pong球桌」，聽講係香港人設計 ，好顯眼，可以考考大家投球技巧同運氣，如果一班朋友嚟玩相信氣氛會更好！
呢間酒吧都幾新幾大，最舒服係有梳化位，Gathering或睇波就最啱！
玩到攰，可以坐低飲吓野食吓野。坐低就望到個平板嘅Drink Menu介紹【季之選 中國風韻】嘅雞尾酒，用料係中國茶或保健常用嘅材料，仲列明有咩功效。最搶眼係用一隻喺我細細個喺婆婆屋企見過嘅萬壽無疆杯裝住，夠晒中國風韻。
或者受到隻杯嘅影響，上枱時有一刻以為係熱飲嚟，原來係凍嘅。一打開兩杯酒都有啲小小花瓣喺泡沫上面，配合埋隻杯，望落都幾華美，中國風X雞尾酒，第一次試，係幾特色嘅。兩杯都係酒味唔重嘅甜酒，容易入口。
【傾國傾城$128】桂花、杞子、桂圓、紅棗、杜松子酒
【閉月羞花$128】茉莉、青蘋果、荔枝
【香蒜白酒煮青口$138】用金屬筒裝住，保持溫熱。青口唔算大不過都有十八隻。味道適中，香蒜味道冇過重，而且除咗青口仲有青瓜，中和返香蒜味。
【BBQ串燒(雞)$78】三大串雞肉、紅椒、黃椒、洋蔥嘅串燒，用鐵板上果陣仲嗞嗞聲，香噴噴。雞肉白白淨大大件亦算juicy，食落好惹味。
【鐵板西班牙香腸蝦$108】又係用鐵板上，保持溫度亦加倍惹味。蝦有六隻，幾大隻，爽口彈牙，仲有大量青瓜、洋蔥同紅黃椒。香腸原本expect係西班牙辣肉腸，但出嚟只係切到細細粒嘅肉腸，有啲失望。
食物我覺得比一般酒吧好食，但製作需時較耐，比較適合同朋友嚟消閒娛樂。
Post
