Ebeneezer's Kebabs & Pizzeria (D’Deck)

Open Now

Now Closed

同老婆復活節去咗愉景灣行下，去到發現當日人流都吾算特別多。 同老婆由碼頭行去愉景灣酒店，再由愉景灣酒店行返去碼頭嗰邊。行下行下 開始覺得肚餓要搵嘢食，見到有一間餐廳食中東食物，平時都好少食所以就試一試。餐廳環境象像快餐店但都算乾淨。同老婆兩個人分別點了香料印度脆餅，牛肉卡巴及忌廉蘑菇湯。香料印度脆餅，材料有蕃茄，青瓜，洋蔥，芫茜及辣椒粉，整個脆餅充滿洋蔥和辣椒粉味，非常惹味。餅底亦都非常香脆。牛肉卡巴材料有牛肉，洋蔥及生菜和白醬。卡巴食落滿口牛肉及醬汁令人非常滿足。 另外餐廳有三支特式醬料可以加落卡巴度一齊食。