Masala Hut & Cafe (Closed)

見到尖沙咀開咗新嘅印度菜，即刻叫埋朋友一齊嚟試下～店員見我哋係度研究餐牌，都行過嚟介紹一下，仲話之後會有中文餐牌架，到時再嚟食下先今晚我哋叫咗 Dahi Golgappe，其實係印度嘅小吃，一粒粒嘅爆脆波波，裡面有薯仔，仲有洋蔥同少少酸辣醬，食落去甜甜酸酸咁，好好味呀，不過食個陣要成粒放落口架，如果唔係就會食到好論盡呢～平時食沙律多數係蔬菜水果沙律，今次食嘅Mixed Bean Salad 都唔錯～材料有鷹嘴豆、紅腰豆、粟米、青瓜、蕃茄同洋蔥等等，好有口感呀，同店員講起先知鷹嘴豆係印度主要嘅的五穀之一，難怪食食下都有少少飽嘅感覺 之後有熱辣辣Murg Malai Tikka(烤雞無骨)，一塊塊嘅烤雞再配忌廉同印度香料，啖啖雞肉都好濃味呀，仲可以配搭埋唔同嘅醬汁架！而主食仲有Shabnam Curry(咖喱蘑菇)再配埋Tandoori Roti (印度原味烤餅）+ Garlic Nan (大蒜烤餅），簡直係最佳配搭，開頭都驚咖喱會太辣，不過原來少少辣嘅咖喱蘑菇都好惹味。再加咗兩杯飲品 Fruit Punch + Strawberry Milkshake，今餐真係好豐富呀