十二味 (山市樓) (Closed)

人生第一次食川菜平時唔敢食辣嘅我，好少會揀川菜嚟食！但為咗食匀唔同嘅菜式，今次一於就黎大家都話口味正宗嘅十二味試下！川式口水雞 $68份量都唔少喎！上面嘅辣醬見到都好怕。。。但原來辣度還好，反而覺得鹹咗少少！蒜泥青瓜 $28看似普通嘅手拍青瓜，但佢哋真係整得好好食！麻油調味適中，蒜泥係新鮮蒜頭去拍，唔係罐頭蒜蓉！青瓜都好新鮮但就覺得拍得碎咗啲。人見人愛酸菜魚 $198佢呢款有得揀唔辣或者辣，怕辣嘅我最後都係揀咗唔辣。。。但一嚐湯頭，味道都係有啲辣的，不過我接受到。係屬於麻香嗰種辣，魚係鱸魚，肉質鮮美滑，食得都幾滿足！呢度嘅環境設計唔錯，坐低食都幾有feel！