Video
Read full review
2018-07-11
2941 views
初次約會選址九龍塘，係大家中間位最好。我先到逹，望見迴旋壽司位空間十分細，要求坐住等 order 檯。大陸婆侍應勁無禮貌，木無表情地回答唔得喎，您要轉 order 檯就出門口再攞飛。我心諗好巴閉咩，面黑黑出返去攞飛﹗接待處四眼後生仔面帶笑容問先生係咪照等 order 檯呢，好快有喇，埋緊單。我個心都舒服晒，等都等得甘心。加賀之月琥珀月，淡淡甜味，淺淺酒香，醇美順喉易入口，送刺生或壽司都好夾。再次飲我第二最愛琥珀月，硬係遇唔到我最愛的秋月！不到十分鐘可以入座喇，美女還未到步，我先叫支清酒降降火又降降溫先。美女終於降臨，其實我已諗好菜色，待美女批核就可以發板喇。九點尾圍開飯什麼靚食材都沒有了，連原條魚刺生也沒有。侍應哥哥話星期一無魚返，逢星期二先有，無食神照住咯。松葉蟹腳天婦羅，如煙如霚的天婦羅脆漿，高質好廚藝，調得非常美觀鬆脆可口。雞髀菇爽爽的，望到還以為係蕃薯呢。冬菇彈彈的，菇味鮮濃。韓國芝麻葉，清香獨特，有點點薄荷味道。南瓜，我地兩個都唔食南瓜架，sorry 啊。蟹腳難得好好食，有蟹汁有蟹甜，外脆內嫩。天婦羅罕有地配上蟹膏麵豉醬，第一次遇到，不過麵豉味強烈，完全食唔出有蟹膏味道喎。南
加賀之月琥珀月，淡淡甜味，淺淺酒香，醇美順喉易入口，送刺生或壽司都好夾。再次飲我第二最愛琥珀月，硬係遇唔到我最愛的秋月！不到十分鐘可以入座喇，美女還未到步，我先叫支清酒降降火又降降溫先。
美女終於降臨，其實我已諗好菜色，待美女批核就可以發板喇。九點尾圍開飯什麼靚食材都沒有了，連原條魚刺生也沒有。侍應哥哥話星期一無魚返，逢星期二先有，無食神照住咯。
松葉蟹腳天婦羅，如煙如霚的天婦羅脆漿，高質好廚藝，調得非常美觀鬆脆可口。雞髀菇爽爽的，望到還以為係蕃薯呢。冬菇彈彈的，菇味鮮濃。韓國芝麻葉，清香獨特，有點點薄荷味道。南瓜，我地兩個都唔食南瓜架，sorry 啊。蟹腳難得好好食，有蟹汁有蟹甜，外脆內嫩。天婦羅罕有地配上蟹膏麵豉醬，第一次遇到，不過麵豉味強烈，完全食唔出有蟹膏味道喎。
南蠻醬炸蝦仁，似足鬼佬炸蝦，厚厚脹卜卜的炸粉緊緊包著蝦仁，沾上甜酸醬，熱辣辣煎炸感濃厚，就是不喜歡，而且唔好食。前菜居然叫天婦羅，依家仲黎炸蝦添，從來未試過有如此失誤架，無睇清楚 order 紙添，應該由淡食到濃，由沙律、刺生、壽司、炸物燒物，食到料理熱燻架。
三文魚腩刺生、油甘魚刺生、大吞拿魚腩刺生，肥美嫩滑，魚脂澎湃，鮮魚甜味霸道出眾，無野好講，食啦 ﹗牡丹蝦刺生，爽彈膠黏，新鮮度極致，無盡蝦甜味再上甘香蝦膏，使我不停滾動啊﹗
炙燒極上和牛壽司，炙一炙使部份牛脂溶化，釋出更濃牛肉味及牛脂甜味，軟綿滑嘟嘟的和牛片散發點點焦香，配薑蔥特別清新美味呢。
油甘魚腩壽司，係我地致愛。魚脂香甜味道媲美極上吞拿魚腩，立立令帶著光澤的魚肉，先彈後綿，每啖油潤甘香無比，暈得一陣陣。
日本特大帶子壽司，特級的帶子甜味，白滑軟綿綿，回味無窮，越食就越想食，完全唔夠喉。硬係覺得比以往細隻好多，明明應該可以塞滿我的嘴仔喎，依家仲有好多空間，我個嘴又唔係比以前大左。還是珍寶較最大呢？特大比較細一點嗎？
極上海鰻，九龍酒店會用豆苗，而又一城用火箭菜，火箭菜太長呢，不能整件塞入口，唯有先處理，隨後成件穴子、三文魚子、青瓜片連壽司飯一湧入口，爽呀﹗穴子肉質幼滑，甚有魚肉味道，淡甜醬汁清爽不濁，加上三文魚子黏黏咸香爆出甘甜汁液，好食到震，而且整件真的塞到嘴仔脹卜卜，差點趙唔到呀，大滿足﹗
千兩壽司，其實係雜錦壽司啫。美女愛不了海膽質地及味道，最後都要整粒讓我消滅掉。蔥花芝麻三文魚子吞拿魚腩蓉，併湊起來變不錯喎，有以再添食。
海膽壽司，真正的海膽壽司第一次食，每次叫海膽壽司都會變成軍艦的呢。冰涼甜美，先彈後綿，水潤滑溜，微腥作餘韻，還可接受，好食的。
松葉蟹軍艦，前菜松葉蟹腳天婦羅，再來松葉蟹肉，十分雪藏貨，沒甜味沒蟹味沒有味道的，就算加上墨魚子及青瓜都幫助不大，完全失敗。
燒雞翼，我當然好鍾意食。外脆內嫩雞油香，不太乾還有少許肉汁，不太咸有少少醃味，不錯不錯。燒雞腎，剛剛好無過熟而硬掘掘，爽爽焦香，咸香可口。兩者都洒上鮮檸汁同吃，更清爽醒胃。
稻庭冷烏冬，估唔到蔥花及薑薑就擱在烏冬一旁不是另用器冊上，外觀上差少少。無緊要，自行將薑蓉蔥花挑回淡醬油中，加 wasabi 混和，雷式冷烏冬混醬完成。大大注烏冬掛上雷式混醬掃入口，冰涼舒服嚥靭彈滑有米香，只顧吃、不要想。滿足心心眼，不過味道及外觀都係九龍酒店千兩更勝一籌。
鍋燒牛油刀貝，跟我想象的完全不同。湯底好咸喎，濃濃過份的昆布咸湯，反而食不到牛油味道。刀貝肉薄薄又一絲絲，不太食到鮮味。
埋單 $1600 蚊都好合理，我實在太大胃口咯，發現和牛燒漏單，已經食飽飽，太遲了。侍應哥哥認得我係九龍酒店千兩常客，真好記性。
加賀之月琥珀月
75 views
0 likes
0 comments
松葉蟹腳天婦羅
51 views
0 likes
0 comments
南蠻醬炸蝦仁
45 views
0 likes
0 comments
三文魚腩刺生、油甘魚刺生、大吞拿魚腩刺生、牡丹蝦刺生
47 views
0 likes
0 comments
炙燒極上和牛壽司
32 views
0 likes
0 comments
油甘魚腩壽司
41 views
0 likes
0 comments
日本特大帶子壽司
22 views
0 likes
0 comments
極上海鰻
26 views
0 likes
0 comments
千兩壽司
44 views
0 likes
0 comments
海膽壽司
21 views
0 likes
0 comments
松葉蟹軍艦
19 views
0 likes
0 comments
燒雞翼、燒雞腎
24 views
0 likes
0 comments
稻庭冷烏冬
40 views
0 likes
0 comments
鍋燒牛油刀貝
22 views
0 likes
0 comments
Post
