麒藝館 (Closed)

因為見客的關係， 選擇到銅鑼灣時代廣場10樓的麒藝館吃午餐。 餐廳是ー間以中菜日化為主題的高級食府，同時亦是ー間花膠的專門店。由陳小麒師傅主理，以經典粵菜為本的麒藝館，結合矜貴食材和獨門拿手菜以及日式元素，成就獨一無二的高貴粵菜。 入到店內餐廳樓底很高， 空間感十足， 光線柔和，裝修風格時尚。 首先一坐低就點了一壺桂花烏龍茶， 烏龍茶味香濃， 帶有微微的桂花香。本身好想試下這裏的天下第一豬， 可惜已經賣曬了。 然後店員推介我們試木藏牛$188， 再點了幾款點心～迷你花膠糯米雞$38， 日山和牛紅菜頭煎包$58，原隻鮑魚花膠撻$48， 大地魚末燒賣$48。木藏牛～ 好奇心驅使我點了這一款菜式， 賣相精緻可愛， 原來木瓜裏面藏著牛腩， 所以叫木藏牛。 店員送上來的時候會細心 打木瓜切開，分成幾片，切開後會看見牛腩和肉汁在木瓜裏面湧出來。 木瓜味道又香又甜， 原來同牛腩的味道可以咁夾， 牛的質地炆得好冧又入味， 值得推介。原隻鮑魚花膠撻～ 原隻鮑魚爽口入味， 鮑魚下面是一片片的花膠粒，撻底保持暖暖的溫度， 入口有豐富的口感。大地魚末燒賣～ 即叫即蒸， 大大粒又爽口， 好新鮮。日山和牛紅菜頭煎