Video
Read full review
2018-11-05
67 views
呢間餐廳有素食又有肉食又可以自助餐好似幾特別，今次去左試佢地既韓式火鍋自助餐，原價每位$288加一，而加秋日試食價只係每位$188加一🤩行入去第一下感覺好光猛幾舒服，係正中間就係拎野食既地方，餐廳職員帶我地坐底之後就俾張點餐紙同餐牌我地並細心解釋基本任食有啲咩，另外仲可以追加海鮮飲品等。每兩人一鍋，有人蔘雞鍋或者海鮮部隊鍋，我地揀左後者，另外仲有四款湯底可以揀，今次就試韓國雪濃湯，即係牛骨湯😋我地冇選擇追加任何野，因為本身已經有海鮮食，同自助區都有幾款飲品。落完單等緊既時候就先去自助任食區睇下有咩可以落肚先，熱食方面有咖哩魚蛋豬皮、關東煮、滷水雞翼、辣炒年糕。煎餅及炸物區有海鮮同泡菜煎餅、天婦羅。每樣試少少，冇太大特別😝🥘等到個海鮮部隊鍋啦😍有蝦、青口、蜆、餐肉、豆腐、公仔麵。食材新鮮👍🏻👍🏻之後仲可以係出面既部隊鍋食材櫃繼續加碼😆😆🥓肉類方面有牛肉、雞柳同黑毛豬。質素都唔差，牛肉同黑毛豬係我最鐘意既☺️🍗炸雞我地先叫四件，驚會好飽😂果然！件件都好大件，好彩冇叫好多~重點係要點佢啲醬汁，有六款選擇咁多，青檸蜜糖醬同炸雞又幾夾喎，酸酸甜甜，食落會減去炸雞既油膩感，之後再黎一個混醬🤣發現原來
呢間餐廳有素食又有肉食又可以自助餐好似幾特別，今次去左試佢地既韓式火鍋自助餐，原價每位$288加一，而加秋日試食價只係每位$188加一🤩
行入去第一下感覺好光猛幾舒服，係正中間就係拎野食既地方，餐廳職員帶我地坐底之後就俾張點餐紙同餐牌我地並細心解釋基本任食有啲咩，另外仲可以追加海鮮飲品等。每兩人一鍋，有人蔘雞鍋或者海鮮部隊鍋，我地揀左後者，另外仲有四款湯底可以揀，今次就試韓國雪濃湯，即係牛骨湯😋我地冇選擇追加任何野，因為本身已經有海鮮食，同自助區都有幾款飲品。
落完單等緊既時候就先去自助任食區睇下有咩可以落肚先，熱食方面有咖哩魚蛋豬皮、關東煮、滷水雞翼、辣炒年糕。煎餅及炸物區有海鮮同泡菜煎餅、天婦羅。每樣試少少，冇太大特別😝
🥘等到個海鮮部隊鍋啦😍有蝦、青口、蜆、餐肉、豆腐、公仔麵。食材新鮮👍🏻👍🏻之後仲可以係出面既部隊鍋食材櫃繼續加碼😆😆
🥓肉類方面有牛肉、雞柳同黑毛豬。質素都唔差，牛肉同黑毛豬係我最鐘意既☺️
🍗炸雞我地先叫四件，驚會好飽😂果然！件件都好大件，好彩冇叫好多~重點係要點佢啲醬汁，有六款選擇咁多，青檸蜜糖醬同炸雞又幾夾喎，酸酸甜甜，食落會減去炸雞既油膩感，之後再黎一個混醬🤣發現原來士多啤梨辣醬都唔錯，又唔會太辣👍🏻
🥦疏菜方面都有十多款選擇，全部都好新鮮，特別係生菜，同埋有個紫薯年糕我第一次食到，有少少紫薯味，但口感冇平時個啲年糕咁煙韌，幾有趣🤓
🥃飲品方面凍飲有三款，比較特別既係青梅汁，開胃消滯。而珍露特飲含有酒精，但味道幾特別，可以試下。如果唔想飲凍野，旁邊有啲柚子蜜可自行沖熱水，好細心！
🍲成餐最鐘意係可以自製石頭鍋飯，大家食部隊鍋個陣唔好食太飽，留返啲位食佢😜係自助區有哂配料同教學方法，只要跟住整自己都可以整到個好睇又好食既石頭鍋飯😌雖然個石鍋本身已經有油，但建議可以再先落啲麻油，再放白飯同配料，然後再落多小小麻油，咁會香好多！跟住就可以坐返埋位將石鍋放係電磁爐上面整熱佢，最後打埋生雞蛋，大功告成💁🏼♀️唔知係咪叫做自己整，覺得特別好食😂😂😂
🍰最後最後當然要食甜品，最好食係綠茶海綿蛋糕😋但另外兩款石板街同芒果拿破崙就遜色左啲，面頭既威化餅係淋哂，而芒果拿破崙冇放係凍櫃，就算係廚房雪櫃雪住再拎出去自助區，相信放係室溫都有一段時間，到食既時候感覺不太新鮮😟如果大家仲食得落，不妨試埋自製棉花糖同朱古力噴泉，玩得又食得👍🏻整體黎講呢個價錢係抵食，可惜得90分鐘食可能會有啲趕😣
Post
