Video
Read full review
2021-02-18
1436 views
最近無乜特別搞作，只係近近哋行下。星期日好多餐廳都唔開😖，所以見有邊間開就去幫襯喇。喺動漫基地條街，朋友話想食茶記，但又驚我嫌唔好坐🙄。不過諗咗陣嘅期間見左右兩間舖，原來係同一個名「豪華咖啡茶廳」，而且店員兩邊走，就知其實係新舊舖相連而已。我感覺動漫基地嗰面環境好似會好啲，所以就去咗左舖🙈。但其實入到去除咗大廈本身嘅紅磚牆外，裝修都係非常一般，同普通茶記無異，即係有啲夾迫，擺滿貨咁囉😒。不過由於疫情關係，我相信座位已經比以前闊落，而且每張枱都放有隔板，同其他客人有一定距離。朋友話佢以前成日食，但我就從來無食過。望見餐牌，餐牌的確係賣茶餐廳食品，不過就係簡約版，食物主要係各式各樣嘅麵包同埋簡單麵食，適合做早餐嘅東西。如果想食甚麼蒸飯小炒，就要稍移玉步➡️。呢度不設套餐，所有嘢飲都要單點。飲品嘅價錢大部份都貴過食物，咁樣係咪間接反映香港人有幾愛茶記嘢飲呢🇭🇰？不過如果好似我呢啲可以唔飲嘅人嚟講，消費更加係抵上加抵。食物稱得上價廉物美☺️，賣相平實，味道就係傳統港式滋味，同令人反感嘅劣質茶記出品相反。沙嗲牛肉通粉($23)，通粉份量幾多，🐮牛肉有唔少片，仲搭多條菜芯。通粉本身就係無坑紋加無彈性嗰
最近無乜特別搞作，只係近近哋行下。星期日好多餐廳都唔開😖，所以見有邊間開就去幫襯喇。喺動漫基地條街，朋友話想食茶記，但又驚我嫌唔好坐🙄。不過諗咗陣嘅期間見左右兩間舖，原來係同一個名「豪華咖啡茶廳」，而且店員兩邊走，就知其實係新舊舖相連而已。
我感覺動漫基地嗰面環境好似會好啲，所以就去咗左舖🙈。但其實入到去除咗大廈本身嘅紅磚牆外，裝修都係非常一般，同普通茶記無異，即係有啲夾迫，擺滿貨咁囉😒。不過由於疫情關係，我相信座位已經比以前闊落，而且每張枱都放有隔板，同其他客人有一定距離。
朋友話佢以前成日食，但我就從來無食過。望見餐牌，餐牌的確係賣茶餐廳食品，不過就係簡約版，食物主要係各式各樣嘅麵包同埋簡單麵食，適合做早餐嘅東西。如果想食甚麼蒸飯小炒，就要稍移玉步➡️。
呢度不設套餐，所有嘢飲都要單點。飲品嘅價錢大部份都貴過食物，咁樣係咪間接反映香港人有幾愛茶記嘢飲呢🇭🇰？不過如果好似我呢啲可以唔飲嘅人嚟講，消費更加係抵上加抵。食物稱得上價廉物美☺️，賣相平實，味道就係傳統港式滋味，同令人反感嘅劣質茶記出品相反。
沙嗲牛肉通粉
$23
53 views
3 likes
0 comments
蛋牛治
$16
52 views
0 likes
0 comments
鮮奶包
$11
53 views
0 likes
0 comments
熱奶茶
$16
44 views
0 likes
0 comments
總括嚟講，今餐係一個幾特別嘅體驗，我好鍾意食嘢，但茶記真係比較少食，佢絕對係地道茶檔嘅代表。呢度嘅出品好味道😋，係未到驚艷嘅程度，所以用平民美食嚟形容佢最適合不過。連我呢個一年食足二百日媽媽牌三文治做早餐嘅人，都覺得啲麵包好食，實在難得👍。價錢方面，就好似我上述所講只能單點，但其實自己組合返一個常餐都係同出邊差唔多價。
最後，分享埋餐廳少少背景，其實佢已經經營咗好多年，可算係歷史悠久。餐廳更係門口貼出一張應該超過三十年歷史嘅餐牌😳，店員姐姐仲問我哋識唔識睇當年賣幾錢，哈哈，當然難唔到我朋友。講起服務，你會以為佢哋無乜禮貌，但其實又唔係，只係老店當客人係街坊，就無咗層好拘謹嘅溝通模式🙏🏻。
Post
