小火山 (Closed)

自從暑假去完泰國就心心念念泰菜，搵到香港呢間泰菜近來都幾多人介紹，所以就搵埋朋友一齊去試。呢度主打泰豬鍋，的確比較少地方有，咁特別嘅菜色我同朋友都係第一次試！小火山三味刺身一口杯盛合 ($138)首先叫左刺身做前菜，分別有三文魚、生蝦及生蠔，細細shot咁賣相十分精緻，每件刺身都厚身食落啖啖肉，其中生蠔尤其最辣，配合泰式酸辣嘅調味料夠晒開胃惹味泰國烤鍋 配小火山經典泰豬鍋拼盤($298+$20)烤鍋賣相有啲似韓燒嘅鍋，韓燒的話旁邊係倒入蛋漿，而泰式鍋就似打邊爐咁旁邊倒入湯底，我地分別要左牛骨湯及椰子雞湯，味道鮮甜濃郁。燒肉拼盤方面有齊四款唔同產地及部位嘅豬肉，店員有建議我地食嘅次序，連醬汁都有幾款特別講究泰式豬梅花肉片 ($68)店員建議呢款梅花肉撈埋蛋漿留待最尾才燒，撈埋蛋漿特別香滑，而且本來啲肉有用醬汁醃左，夠晒入味生菜($28) 金菇($28) 金邊粉($22)當然唔少得邊爐配料，價錢亦相當合理蝶豆花芒果糯米飯 ($38)食到最後雖然已經好飽，但見到每枱都叫呢個糯米飯十分吸引，好彩每件份量迷你，除左賣相精緻，特別欣賞佢嘅芒果新鮮鮮甜，值得一試！菠蘿沙冰 ($78) / 新鮮椰青