Video
Read full review
2017-06-03
253 views
慶祝生日等第二擊，韓燒！上網見到生日有海帶湯＆櫻花酒杯送等等。即日打電話去訂位嘅時候，對方都話係落單時出示身分證就可以。去到餐廳樓下登記個度，侍應俾咗張紙叫我哋上一樓。張紙有寫到枱號＆生日，但上到一樓佢哋都唔需要睇張紙。一坐低，我諗住問下生日優惠嘅詳情，（其實我只想要個櫻花酒杯🙈）點知個女侍應話我哋唔係提早一日訂，所以無。當下呆咗，如果無，咁頭先就應該係電話入面講，而佢哋嘅Facebook 雖然有講要提早預訂，個無規定一定要提早一日。。雖然唔係要貪啲咩，但本人就最憎尼啲前後矛盾嘅行為。所以係落單嘅時候，又再問多次。今次個男侍應問返我哋係咪有訂位，然後再睇咗男友嘅身分證後，就講返會有啲咩優惠。大致上同Facebook 差不多，不過無炸雞、無生日相。由於我哋都唔飲酒，所以只要咗海帶湯＆酒杯。雖然唔係咩大事，但由尼件事都可以睇到啲內部溝通問題。🤷🏻♀️發洩完一輪，講返啲食物先。揀套餐最方便，咩都有啲，唔使煩。因為本人唔太好牛，所以揀咗豬肉生蠔套餐。首先前菜頗豐富，除咗基本嘅泡菜、酸蘿蔔外，仲有沙律。沙律加咗芝麻醬，簡單得來，夠好味枱面有醬料介紹，話俾大家知應該點樣配搭。我都係第一次知點解之前
上網見到生日有海帶湯＆櫻花酒杯送等等。即日打電話去訂位嘅時候，對方都話係落單時出示身分證就可以。
去到餐廳樓下登記個度，侍應俾咗張紙叫我哋上一樓。張紙有寫到枱號＆生日，但上到一樓佢哋都唔需要睇張紙。一坐低，我諗住問下生日優惠嘅詳情，（其實我只想要個櫻花酒杯🙈）點知個女侍應話我哋唔係提早一日訂，所以無。當下呆咗，如果無，咁頭先就應該係電話入面講，而佢哋嘅Facebook 雖然有講要提早預訂，個無規定一定要提早一日。。
雖然唔係要貪啲咩，但本人就最憎尼啲前後矛盾嘅行為。所以係落單嘅時候，又再問多次。今次個男侍應問返我哋係咪有訂位，然後再睇咗男友嘅身分證後，就講返會有啲咩優惠。大致上同Facebook 差不多，不過無炸雞、無生日相。由於我哋都唔飲酒，所以只要咗海帶湯＆酒杯。雖然唔係咩大事，但由尼件事都可以睇到啲內部溝通問題。🤷🏻♀️
發洩完一輪，講返啲食物先。
揀套餐最方便，咩都有啲，唔使煩。因為本人唔太好牛，所以揀咗豬肉生蠔套餐。
首先前菜頗豐富，除咗基本嘅泡菜、酸蘿蔔外，仲有沙律。沙律加咗芝麻醬，簡單得來，夠好味
枱面有醬料介紹，話俾大家知應該點樣配搭。我都係第一次知點解之前有啲韓燒店會有類似海鹽嘅調料。所以尼個擺設值得一讚。
滿心期待打開兩個蓋，結果兩個入面都係大醬🙄🙄🙄🙄因為一開始嘅事，所以都費事再叫佢哋換。
海帶湯，好大碗。本身應該就係預兩人份量，加上生日優惠送個碗。變咗我哋一人飲咗一大碗🐷
食材嘅賣相都幾吸引。另外用錫紙杯來燒生蠔＆菇類，係個創意之舉
雜菇盤入面有加牛油，燒都唔會太乾。
其實成餐飯都唔錯，侍應都有主動來添返芝士同蛋漿。雖然一開始有啲小插曲，但都唔會扣太多分。
Post
