汀汀烤活魚 (Closed)

黎到三陂坊，有好多間唔同既雞煲或者打邊爐既舖頭，同朋友黎揀既時候我二話不說就提議食烤魚。知道有烤魚好耐，但都未食過，見到呢間叫"烤活魚"，無理由唔係的。叫左份黃金魚皮做小食，新鮮脆卜卜既炸魚皮加上咸蛋黃既咸香味，送酒一流！主角豆豉味烤魽魚，有好多芫荽同豆豉，開頭味道未落到湯到，再滾多陣啲湯完全上哂味，豆豉同芫荽味好濃烈。另外魽魚無乜小骨，所以都唔難食，而且都好嫩滑。自家雲吞，原隻蝦喺入面，煮完都好爽口。粟米蝦滑，本身已經彈牙，原粒粟米令到蝦滑食落更甜。手切牛魔皇(抱歉手殘影矇左)，新鮮手切起碼無左雪藏味，可以更容易食到牛本身既肉味，煮完之後亦都好腍，豆豉芫荽完全遮唔到濃烈既牛肉味。