牛極 (雅怡居)

Open Now

Now Closed

牛極之前已經經過幾次，今日終於入去食啦。之前係拉麵鋪會見到自動售賣機，今次竟然係牛極見到，肉類選擇有6款，有牛肩排，澳洲牛仔肉眼扒、西冷、牛柳、日本和牛（赤身/富油脂）有不同gram數可選擇。除了自動售賣機，其他野係自助式，飯、湯、沙律任食，牛肩排未黎之前食下沙律，沙律菜都好新鮮，有黑醋汁同沙律汁可選擇牛肩排180g($80)牛肩排放上熱石上面，牛肩排只有一成熟，按個人需要烹調至合適熟成度，我切成一舊舊慢慢係上面燒，牛肩排我燒了7-8成熟，牛肩排煎過左龍都唔會好韌，肉味濃，枱上面有岩鹽同胡椒調味，因為想食到原汁原味，所以只加了岩鹽，已經好好食。