Video
Read full review
2022-07-05
1598 views
我同朋友都係芝士控，愈邪惡愈鍾意食😝。最近上網見人介紹芝士火鍋，好似幾吸引喎，就決定搵晚放工試吓。今次幫襯位於天后嘅「瑞士餐廳」，餐廳地理位置好方便📍。餐廳環境面積幾大，有落地大玻璃窗🪟，雖然只係望住街景，但感覺開揚，而且餐枱大大張，都算坐得幾舒服。嚟得呢度當然會試吓佢嘅芝士火鍋，除此之外，其他菜式就偏向係一般西餐🍽，即係有肉扒、意粉、沙律同甜品等。價錢就屬中等水平啦，聽講食材真係來自瑞士的🇨🇭。瑞士芝士火鍋($288)，🫕芝士火鍋用個大鍋裝住，入面有200克芝士，下低有火㷫住，所以全程熱辣辣。🧀芝士味道濃烈，唔止得鹹香，而且仲好重酒味，我係第一次食到呢隻味道，好特別呢！芝士火鍋配上麵包粒蘸嚟食，另外亦可加錢要其他配料。檸檬雪葩緊隨其後送上，食完濃味嘢要清清味蕾。🍋雪葩冰感十足，檸檬味酸酸的，開胃醒神，小小一件足以喚醒我哋。凱撒沙律配煙三文魚($148)，🥗凱撒沙律清新，羅馬生菜好爽，配上麵包粒、芝士碎、煙肉粒同車厘茄等，口味正宗；同時仲有用煙三文魚砌成嘅玫瑰花🌹。南瓜忌廉湯($88)，🎃南瓜湯味道OK，帶有南瓜本身嘅甜味，唔太杰或太稀，啱啱好。燒香草雞($188/半隻)，🐔燒雞造型幾
我同朋友都係芝士控，愈邪惡愈鍾意食😝。最近上網見人介紹芝士火鍋，好似幾吸引喎，就決定搵晚放工試吓。今次幫襯位於天后嘅「瑞士餐廳」，餐廳地理位置好方便📍。
餐廳環境面積幾大，有落地大玻璃窗🪟，雖然只係望住街景，但感覺開揚，而且餐枱大大張，都算坐得幾舒服。
嚟得呢度當然會試吓佢嘅芝士火鍋，除此之外，其他菜式就偏向係一般西餐🍽，即係有肉扒、意粉、沙律同甜品等。價錢就屬中等水平啦，聽講食材真係來自瑞士的🇨🇭。
瑞士芝士火鍋($288)，🫕芝士火鍋用個大鍋裝住，入面有200克芝士，下低有火㷫住，所以全程熱辣辣。🧀芝士味道濃烈，唔止得鹹香，而且仲好重酒味，我係第一次食到呢隻味道，好特別呢！芝士火鍋配上麵包粒蘸嚟食，另外亦可加錢要其他配料。
檸檬雪葩緊隨其後送上，食完濃味嘢要清清味蕾。🍋雪葩冰感十足，檸檬味酸酸的，開胃醒神，小小一件足以喚醒我哋。
凱撒沙律配煙三文魚($148)，🥗凱撒沙律清新，羅馬生菜好爽，配上麵包粒、芝士碎、煙肉粒同車厘茄等，口味正宗；同時仲有用煙三文魚砌成嘅玫瑰花🌹。
南瓜忌廉湯($88)，🎃南瓜湯味道OK，帶有南瓜本身嘅甜味，唔太杰或太稀，啱啱好。
燒香草雞($188/半隻)，🐔燒雞造型幾靚仔，半隻有齊雞胸同雞髀位，雞肉滑嘟嘟，醬汁又幾惹味。再者，搭配嘅煎薯仔幾好味道🥔，成個主菜夾夾埋埋唔錯。
法式焦糖燉蛋($98)，🥚燉蛋賣相平平無奇，不過味道滿有驚喜。燉蛋蛋味濃郁，並加入咗雲呢嗱籽，甜味適中，而且口感夠厚，幾正。
飲品分面，我哋分別要咗瑞士朱古力($45)同熱咖啡($38)。🍫熱朱古力比起其他餐廳嘅好飲，味道甜甜的，口感幾滑，唔會太甘或太酸，上面仲有個拉花。我唔飲咖啡☕️，但都聞到幾香。
總括嚟講，今晚初嚐瑞士芝士火鍋，味道有啲意想不到，第一啖確係唔易入口🙈，但食多少少就無問題了。最後，餐廳嘅店員幾好禮貌，抵讚👍。
Post
