Chullschick

Open Now

Now Closed

黎中環要食特色菜，搵返自己私藏美食list，有間秘魯菜！地點黎講，都算中環嘅隱世。店主係秘魯人，裝修異國溫馨風，一幅幅秘魯美食，例如烤肉，帶我地離開咗中環。我食點咗煙燻豬肉三文治及薯條。麵包叫做Chulls 麵包，比較薄身，厚度大約係嘉X薄白麵包。薄得黎最正係脆身，較一般三文治更有口感。三文治內有煙燻豬肉同埋蕃薯。味道上好豐富，秘魯菜用咗好多香料，但唔會太重口味，唔會好似印度菜咁搶flow，而係配合到材料天然味。係呢個三文治有沙沙醬、黃辣椒醬、煙燻味，再加蕃薯甜味。好耐冇食過咁正嘅三文治。朋友點咗招牌秘魯烤雞，再加蕃薯同沙律菜兩個配菜。烤雞同樣有香料，好滋味。皮脆肉嫩，質素好，值得再試。食完增加我地對秘魯菜嘅興趣。