Chullschick

Open Now

Now Closed

話說喺香港想搵一啲特色嘅菜式試吓，就突然間諗到搵一下美洲嘅菜式於是喺網上一搵之下就睇到呢間餐廳好好奇咁樣睇吓個Menu覺得似乎啲嘢食都幾啱食由於只係有兩個人，所以睇餐牌就叫咗佢哋最signature嘅菜式第一，餐牌上介紹係秘魯稯，其實係用粟米蓉做包住少少肉嘅物體，食落覺得味道麻麻地。第二，揀咗餐牌上嘅烤肉拼盤有齊香腸牛扒，仲有烤雞，另外仲配左甜番薯。最驚喜嘅係甜番薯係最好味，其他烤肉都相當出色而且有一個底盤㷫住，所以啲食物都唔會話凍哂。飲品方面，叫咗秘魯最特色嘅紫粟米汁，杯飲品加咗菠蘿汁，相信喺香港都冇地方會飲到這一款的飲品。見到Menu上仲有芫荽汁的飯，不過自己唔鍾意就唔叫啦，相信鍾意嘅人嚟到一定會食。