鮨廷 (Under Renovation)

突然想試下立食壽司，平時見金馬倫道有幾間舖都多人排隊，今日早左放工一於去試下。雖然價錢都唔平，但勝在食物高質，物有所值。每款壽司會等你食完先上，確保食材新鮮。牡丹蝦上碟時已有豉油，好新金目鯛好肥美左口魚邊食得多，第一次試右口魚邊，火炙帶出燒魚鮨味蔥吞拿魚一樣係我嘅至愛海膽多到流哂出黎，好鮮味呀手卷食得較麻煩，好驚紫菜好快淋，今日軍艦手卷都試哂組盒有大拖羅，中拖羅，赤身，辣吞拿魚，蔥拖羅手卷。由赤身開始食，層層遞進，中拖羅魚鮨豐富，大拖羅入口即溶，冇筋。辣吞拿魚唔太辣，最後到蔥拖羅手卷，食埋真係冇得輸。不過立食當上齊食飽就要走，冇得慢慢傾計，始終都多人等位。