Koffee Mameya & Omotesando Koffee

Open Now

Now Closed

話說某日IG 見朋友post story有份厚蛋治，有杯咖啡，背照仲要有小小工業風，好似幾有feel，二話不說就mark低To-go list。正當做嘢做到灰哂，又靈魂出竅，就諗起依件蛋治，間唔中慰勞吓自己嘛，就即刻出發。尖東站去K11 Musea方向，經過左草牆入口，右邊有電視直落一層，左邊鋪就係。 一眼望哂店面， 點餐位置唔算明顯，隔局以簡約為主，好在有位小姐剛好在落單，原來有小正方白紙既係menu。店舖屬小店，唔多位，最裡面有間房，未開放。食物就揀咗厚蛋治一份， 凍mocha 一杯。手機食咗幾張，終於咬到第一啖蛋治。片蛋既口感有點似玉子豆腐，但挺身少少， 唔知係咪個人問題，食落有輕微既芥末味，味道不錯。凍mocha 的咖啡味比較出，飲完一陣都仲keep到，唔甜（無另叫少甜），飲到後半可能冰融得七七八八，有少少影響原味道，下次會試熱飲，睇吓整杯味道飲落會唔會唔同。