La Postre (厚福街) (Closed)

可以推薦喜歡食ham既朋友仔來～服務態度非常好，因為忘記幫我地落黑毛豬蜜瓜，服務人員即時幫我地處理並且道歉，態度真係十分好，唔會敷衍處理。比呢度既態度點個like～態度好更加有心情食好野～～黑毛豬蜜瓜（24個月）男友一向不喜歡ham，但係今次話呢個好食，可以令到佢比出好評價實在難得。用ham包住蜜瓜都別有一番風味，甜味同鹹味中和左，單食ham會覺得鹹。擺盤上有甜核桃我覺得好味，仲有紅桑子，男友都覺得好味西班牙海鮮墨汁飯298蚊二人份量，份量抵食，但係好可惜飯好普通，但係上面既海鮮超正，一向唔喜歡海鮮的男友（麻煩男友）今次都話青口好食，雖然我話蝦超正，但佢話一般。番茄奶油蟹肉湯麻煩男友話呢個超好飲，值得推薦，唔知道點解食評冇咩人推薦，麻煩男友平時唔鍾意番茄唔鍾意海鮮，但今次話番茄好好食，湯好好飲，佢叫我一定要好好推薦比大家，68蚊真係底試鮮雜果莫希托好多新鮮既水果粒，新鮮水果整出來味道非常清新，麻煩男友都認為呢個飲品非常好味。係我印象中mojito好似係酒？