渝味曉宇重慶老火鍋 (太子集團中心) (Closed)

我又走左去食麻辣火鍋啦！今次有另一個重點，就係試下特別Ｄ嘅內臟～落完單阿姐就拎左兩碗糖水出黎，話係送嘅～因為之後食辣鍋，可以保護返個胃。食咁多次辣鍋都係第一次餐前送糖水，好貼心呀！自製洛神花茶$18自家製，夠酸又凍，剛好中和返麻辣鍋～本來想試9宮格湯底，但原來係全辣，最後決定叫番茄魚頭普通辣湯拼大骨滋補清鍋，最後覺得自己好聰明，因為佢呢隻麻辣湯底嘅湯料係越來越麻辣同越來越紅嘅，就算加左幾次水都無淡過，鍾意食辣嘅一定食得好過癮！我係食到條脷都麻痹左～最後用返大骨滋補清鍋 ，清清地都唔錯架～介紹火鍋配料，揀左香港少見嘅稻田毛肚$108/份好爽脆，同樣係胃葉但比栢葉爽口好多！亦都好吸味～極品鵝腸$85之前出面食過腥嘅，呢個一d都唔腥，又唔肥，同毛肚一樣好爽脆～曉宇嫩牛肉$78滑滑滑～鐘意食鮮牛嘅一定要食重慶耗兒魚$78 香港少見但重慶常見嘅魚，剝左魚皮清好內臟，肉質嫩滑又唔腥，好值得一試！美國安格斯優質肥牛$198　份量唔算好多，但每片油花都好靚，牛味濃，貴精不貴多！無叫粉麵，甜品叫左紅糖糍粑$68外層炸到脆卜卜，裡面煙靭，沾埋紅糖漿食，正正正！