漢堡王 (Closed)

有機會路過此地吃個早餐﹗店鋪分上下兩層，下層收錢點東西，上層就係堂食座位﹗第一次試呢度既早餐，要了一個漢堡扒蛋包早餐﹔工友就點左個火腿蛋包餐﹗套餐包野飲同埋一包炸薯粒，炸薯粒是麥記薯餅的輕巧版，味道完全一樣，不過佢就細細粒夠香脆亦容易食，一大包有成十幾廿粒，唔好睇少，份量幾多的，小心吃完已飽肚﹗漢堡包個包皮是牛角包造型的麵包，吃落質感軟熟，漢堡扒肉汁挺多亦惹味﹔蛋煎得夠厚身，我鍾意佢不是麥記的小太陽蛋而是炒蛋，再加上已溶掉的芝士，整體味道配合得不錯﹗要彈就係件扒濃味左少少，不過初嚐感覺亦正面﹗加埋杯即磨咖啡，滿意的一餐﹗