稻香 (Closed)

初四晚攞衫去自助洗衫，又要洗又要乾衣加加埋埋個幾鐘，點食茶記吖！唯有食稻香啦！新年想食啲簡單小菜當然冇可能啦！ 大部分意頭價$88仲要冇乜野揀。柚子蜜桃焗肉排，估佢唔到係辣嘅，其實好食，只係雷囡s唔啱食...上湯蒜子豆苗，上湯今次竟然唔咸！但係豆樹...脆皮炸子雞半隻，等左好耐，唔熱嘅，佢6碟一齊捧出嚟，可能等齊「雞」先出餐，所以熱唔熱睇彩數啦！等到最後果隻咪熱囉！價錢都算ok啦，簡簡單單幾個餸，份量都唔少。新年選擇唔多，孖寶都抵食嘅。