嚐囍煲仔小菜

Open Now

Now Closed

平時常滿，都要排隊等枱慶幸星期五晚8點左右俾我哋好彩唔駛等就有枱， 促成今次 #試菜！ 我地叫咗三個煲仔飯、三個小菜、兩個點心黃鱔煲仔飯 跟 白鱔田雞煲仔飯都比較濕潤，唔夠香！ 反而臘味煲仔飯最出色， 夠香夠油， 靚潤腸，連飯蕉都好好食， 真係可以成塊鏟起。小菜方面， 咸魚粒炒白菜仔有點過咸， 份量比較少， 一字骨比較普通，炸過度，沙鍋魚頭煲魚頭粉太多， 好彩豆腐夠嫩夠滑，挽回不少分數。老實講有點名過於實！ 眼見好多內地遊客幫襯， 可能又係小紅書效應⋯⋯ 總括來說， 如果要排長龍先食到， 我諗我唔會再去，行過路過見有位又不妨再叫返個臘味煲仔飯嘆下。#100%自費，非試食活動或款待。