初心冰室 (Closed)

而家流行懷舊，好多餐廳都用冰室黎命名，不過已經唔係賣常餐，比較似係西式cafe，初心冰室就係其中一間。入到餐廳都見倒裝修懷舊，燈光調較至昏暗幾有氣氛大部份都係卡位，岩哂傾計。檯面係馬賽克花紋，好有特色啊！午餐有好多選擇，沙律、扒餐、意粉同焗飯都有。午餐仲配有餐包、餐湯同飲品！切合冰室既懷舊風，飲品仲有得揀黑牛同白牛添！店員首先送上餐包同餐湯，我地揀左雜菜湯，好香蕃茄味又好足料！餐包送上檯熱辣辣，索哂啲牛油，正啊凍檸茶都好大杯！香煎龍脷柳配蜆肉香草忌廉汁，我揀左配薯菜，薯菜唔係普通薯條，係帶皮既薯角，新鮮炸起，加埋忌廉汁食龍脷柳煎至表皮香脆，醃料係簡單既鹽同黑椒，更能帶出魚既鮮味，魚肉好嫩滑！個汁都有好多蜆肉，絕不馬虎架！烤美國西冷配黑松露野菌燒汁配薯菜，西冷無得揀熟度不過火喉控制得好好，生熟程度岩岩好！好濃牛味野菌燒汁好濃郁，岩哂撈埋薯角一齊食！單點既香煎鵝肝配紅酒黑醋汁，鵝肝煎至外脆內軟，保留左鵝肝既香滑口感，黑醋汁中和番鵝肝既油膩感，估唔倒一間普通冰室都可以食到咁出色既貴價食材。超值既午餐，店鋪仲有提供下午茶同晚餐！下次再試其他野！