火狐爐端燒 (Closed)

收工近近地落荃灣搵食，行到千色匯附近，諗住食碗米線，點知想去果間保守估計要排到2046先有位，決心放棄之時見到隔離有間新開既小店係爐端燒，未食過又望到餐牌價錢唔太貴，重點係唔洗等到2046就去試下。雖然係小店，但裝潢都幾特別。牆身當係黑板，將推介同時令既食物寫左係牆身，簡約得黎又好清晰！除左燒物之外仲有d鍋物可以選擇。有個餐前小食係送既，店員仲好貼心咁續一介紹個小食。淮山，好爽口，做小食都係第一次見；明太子沙律，趣卜卜，配埋沙律醬好醒胃；蒜頭，個醬汁好食甜甜地，而且食唔出本身既辣同臭！和牛，一串有五小件，即叫即燒，入口軟淋淋好多肉汁，岩岩好；牛舌（後)，估唔到係堅好食，爽趣可口，仲有小小油脂入口溶化既口感，唔膩，推介👍🏻明太子雞翼對於唔食得辣既我覺得偏辣，雞翼已去骨好方便，釀左明太子係入面，除左辣左d之外其實都ok燒墨魚餅原來有成隻手板咁大件，魚餅煙煙韌韌，加埋個汁食甜甜地，好食兼抵食鰻魚飯食量唔大，兩個人開心share就岩岩好。主角鰻魚好出色，新鮮熱辣辣，仲有鰻魚既甘香，唔腥唔膩，燒得岩岩好，肉質夠滑。飯面既鰻魚汁再多少少黎撈飯就完美啦。原隻啡菇，好重芝士味，切完仲見到熱辣辣既流心芝