Gochi (Closed)

今日同老公一齊湊仔放學， 阿仔話去睇下樂富有咩食。即刻嗱嗱臨上open rice睇下資料，篩選一輪搵到Gochi餐廳。 場內環境都寛敞舒適， 餐牌都有好多選擇，最後選左3個set lunch. 有芝士藩茄肉醬意粉（唔記得影相）， 特級北海道帶子柚子胡椒忌廉意粉 同埋松葉蟹海鮮意粉。 午餐包埋沙律/餐湯同指定飲品。 餐湯栗米湯好香栗米味， 面包好味。 帶子鮮嫩，意粉因為標榜手工意粉，口感的確唔錯。至於pizza ，個餅低同面包一樣，海鮮係pizza上面算多料，不過松葉蟹就唔覺有。 加埋餐飲水蜜桃茶，唔太甜，味道剛好。 呢一餐都算有驚喜，下次再同朋友去幫襯過。