85度C (Closed)

每次去到旺角，走之前一定會行去太子，之前發現原來八十五度C太子有舖，所以前排襯有去旺角嘅時候，順便去睇下。去到個時係中午十二點幾，啲包到出得7788，但多數幾包櫃都係重複嘅產品。咁我就揀當時有既產品，第一次嚟食，梗係以樣貌為先。所以我就揀左三個包，分別係：朱古力鬆餅，匈牙利煙肉包，照燒小丸子。忘記左每個幾多錢，總共俾咗$20.5毫。朱古力鬆餅同普通嘅鬆餅冇乜分別，咬落去幾鬆化，入面亦有好多朱古力粒。但略嫌太細粒啦，哈哈。另外匈牙利煙肉，個個外表好紅好搶眼，所以我都揀左一個黎食。但是入面啲煙肉未夠出味，整體感覺冇咁突出。最後係照燒小丸子，我見到佢介紹入面有啲mochi，真係做到成個小丸子咁樣，上邊亦有啲柴魚碎。個味道聞起上嚟都好香，口感就唔知啦，因為比屋企人食咗。但係之後會再買黎試吓。講下個格局，佢有蛋糕櫃同埋地方比你可以坐低慢慢休息。如果有機會，搵日都來試吓。