茶舍 (景福街)

Open Now

Now Closed

今日26/1下晝三點鐘左右入去諗住試吓幫襯下午茶，一入去右邊見到有一張卡位我哋三個人咪諗住坐埋去囉。但係張枱應該有之前個客剛剛走咗有幾隻杯喺度，正想坐低之際有個金毛員工後生仔帶黑色口罩大約五呎10吋高同我哋用好晦氣嘅說話講（等我執埋張枱先啦）聽到已經唔舒服。咁我哋咪冇坐低囉，然後佢拎走咗啲杯我哋就坐埋去，跟住佢返轉頭攞張枱布想抹枱，跟住又同我哋用好晦氣嘅說話同我哋講（你哋可唔可以起身先呀，等我抹埋張枱先啦）跟住我就忍唔住同佢講你咪抹囉，點解要我哋起身呀？（其實當時張枱唔係好污糟）跟住佢話驚整污糟我哋，我咪話你小心啲抹咪可以囉。之後佢仲想駁嘴我就同佢講你嗱嗱聲啦！其實抹枱執杯係冇問題㗎，但係用咁嘅態度同語氣同客講就好大問題。如果你係老細睇到呢段嘢，你真係檢討吓你啲員工用咩態度對啲客？今時今日咁嘅服務態度可以咩？香港啲老細成日話冇生意。咁嘅服務態度點會有生意啊。