群記牛肉圓豬手

Open Now

Now Closed

我係九龍人，黎緊要搬入粉嶺區住，今日趁中午時段，去聯和墟試吓呢間老店。只係叫左個牛丸豬手河，牛丸好爽口彈牙，無渣，肉味濃郁，可惜既係只得幾粒，唔多夠喉。豬手同樣係新鮮爽口彈牙，無羶味。最重要係啲筋唔黐牙，而辣椒油真係呢間老店既精粹所在，本人一向都唔好食辣椒油，但係既然一場黎到，點都要試吓。一係唔試，一試就上左癮，味道唔算太辣，而且有啲蒜香味道。成碗河粉連湯及辣椒油食到乾乾淨淨。到正式搬入粉嶺區都會去呢度買下外賣返去食既。