きっとかつ Kitto Katsu

Open Now

Now Closed

今日三個女仔約埋一齊食lunch，喺公司附近搵一間就腳又唔怕路程遙遠怕遲返公司嘅；就試吓呢間きっと勝つ。同侍應姐姐問咗兩句先至知，原來佢哋開業唔夠三個月仲算係一間好新嘅日式餐廳。我哋三個女仔都俾千層吉列豬扒吸引咗，仲要大家都係食咖喱沾烏冬。而飲品就係選擇咗三款唔同嘅口味，但係啲名呢就唔係好記得啦。如果女仔嚟講佢哋嘅份量呢就係十分之足夠，甚至乎可能呢係太飽。整體而言食物/飲品嘅造型同埋佢哋嘅味道都係有驚喜嘅。以午市$88 +1服務費呢個狀態個人嚟講其實都係可以接受嘅（跟餐飲品不用加錢）；雖然平時我都係帶飯返工嘅比較多。特意在此聲明：本人並沒有收取上述餐廳之任何餐飲優惠或是特別款待；是次午餐乃全部自費。