Video
Read full review
2015-09-04
1572 views
聞說喺香港好食嘅雞煲嚟講，一品可以講係數一數二，更加有個別仁兄表示絶對係「冧巴溫🏻」同御用雞煲消夜飯堂添！甘就正因為如此，在百聞不如一見嘅興致下，誠意邀請我的叫雞煲專家文仔爸爸一齊在昨晚深夜出動，去就近嘅旺角新分店刺探軍情，看看是否真有其事！到步後，發現地方寬闊，燈光光猛，四周乾淨，格局高雅，而且當時人流不多，枱與枱距離適中，坐得巧舒服，就算高談闊論，大聲地問候別人老母亦不會影響他人，值得一讚。選擇雞煲前，已另有朋友告知，該店名菜鮑魚雞煲當中的鲍魚，實仍係罐頭鮑魚，而且只有數片，懷疑有搵人笨2+5之嫌疑！所以揀選了牛雜雞煲！但到上枱時，卻發現廚房遺漏左那份牛雜，侍應生後補上枱時，卻發現牛雜是早已用雞煲醬汁所烹調過，而非事前白焯了事。味道竟然入味非常，有點喧賓奪主，妹仔大過主人婆，比雞還好吃，頗有誠意！講返主角雞煲先，醬汁是先麻而後辣，而且係要喺滾到中段時間才能明顯感受到層次分明，比較失敗；雞件有如旺角至尊重慶雞煲般太大舊，但肉質嫩滑而入味，唔錯。而其他配料如牛肉粒之甜丶唐生菜之鮮丶豆腐之滑，在雞煲湯底嘅協調下，味道與口感亦得以發揮出來～～最後不得不提他們的特飲檸檬茶，份量超大，非常適合
聞說喺香港好食嘅雞煲嚟講，一品可以講係數一數二，更加有個別仁兄表示絶對係「冧巴溫🏻」同御用雞煲消夜飯堂添！甘就正因為如此，在百聞不如一見嘅興致下，誠意邀請我的叫雞煲專家文仔爸爸一齊在昨晚深夜出動，去就近嘅旺角新分店刺探軍情，看看是否真有其事！
到步後，發現地方寬闊，燈光光猛，四周乾淨，格局高雅，而且當時人流不多，枱與枱距離適中，坐得巧舒服，就算高談闊論，大聲地問候別人老母亦不會影響他人，值得一讚。
選擇雞煲前，已另有朋友告知，該店名菜鮑魚雞煲當中的鲍魚，實仍係罐頭鮑魚，而且只有數片，懷疑有搵人笨2+5之嫌疑！所以揀選了牛雜雞煲！但到上枱時，卻發現廚房遺漏左那份牛雜，侍應生後補上枱時，卻發現牛雜是早已用雞煲醬汁所烹調過，而非事前白焯了事。味道竟然入味非常，有點喧賓奪主，妹仔大過主人婆，比雞還好吃，頗有誠意！
講返主角雞煲先，醬汁是先麻而後辣，而且係要喺滾到中段時間才能明顯感受到層次分明，比較失敗；雞件有如旺角至尊重慶雞煲般太大舊，但肉質嫩滑而入味，唔錯。
而其他配料如牛肉粒之甜丶唐生菜之鮮丶豆腐之滑，在雞煲湯底嘅協調下，味道與口感亦得以發揮出來～～
最後不得不提他們的特飲檸檬茶，份量超大，非常適合鍾意飲野嘅我，如當大家飲完後，不仿考慮再點多一枝可樂，然後再倒杯中，再督下D佢攪拌均勻後，一杯檸檬可樂就是如此被製作完成了，可謂物盡其用！哈哈！
事後我倆皆認為一品嘅出品，雖然好吃，但是天外有天，人外有人，非The best of the best之選，更比旁邊嘅陸陸雞煲略為遜色，可能係我地早已食過更好吃的雞煲有關！但論環境及地點，卻實係方便之首選，完～～
Post