諾亞半熟蛋糕專門店 (Closed)

去完誠品扮文青，見到有半熟蛋糕就買左黎試下。有好多味可以選擇，我鍾意蜂蜜味所以揀左原味半熟蛋糕。個店員會問你幾時可以到有雪櫃既地方？ 原來佢會加冰雪住個蛋糕，等你可以羅到返屋企都唔溶。之後，佢又會提醒你臨食之前半個鐘要羅出黎解凍。服務都幾好。4/5 - 原味半熟蛋糕可能係我太急食，未解完凍就切左個蛋糕黎食，所以搞到個蛋糕扁左。雖然個樣唔太靚，但好彩唔影響個味。個蛋糕好鬆軟，好重蜂蜜味，中間有層醬，令個蛋糕濕濕地，有唔同口感。另外，個蛋糕一切完中間個層醬會流出黎，所以一食就要食曬成個佢。如果唔係，剩番既蛋糕會變到好醜樣。下次，一定要跟足指示食蛋糕。