星十五

Open Now

Now Closed

今日喺尖沙嘴行街，行到加連威老道留意到一間新開張嘅傳統糖水舖，就同老友入去整翻碗糖水。大熱天時消下暑，順便休息下對腳都幾好😆😆我發現有別於我對傳統糖水舖嘅認知，佢嘅裝修非常簡潔、舒適，但同時又好有講究，有種星級中菜館嘅感覺，而佢menu嘅設計都令人有哩種星級感👍👍 （不過由於開張當日好多其他客人在場，就不便上傳鋪頭入面嘅相）好快掃左一下menu，雖然喺尖沙嘴開舖但系總體價格都唔高，非常抵食。所以就同老友order左其中三款menu上推薦嘅糖水來share🤣🤣「冰凍透心紅豆涼粉」：紅豆大粒、好爽、無渣，涼粉足味、自然、順滑。「楊枝甘露」：芒果、西柚、西米露都好足料，而且口感好新鮮、香甜。「西瓜西米露」：西瓜清爽，和西米露配合得好好。天氣咁炎熱，無論係椰汁定係西瓜，總體搭配嘅比例都非常好，讓人覺得好消暑，一改我對椰汁西米露過甜、或者無味嘅睇法。由於今次嘅初體驗都幾好，而且menu裡面還仲有好多各種甜品和飲品睇起身都好吸引，所以我之後會帶朋友再返來試下🎉🎉