流水蝦

Open Now

Now Closed

好耐之前香港都流行過釣蝦場，我玩左大半日係一隻蝦都釣唔到嘅🥲。。。但依家越來越多流水蝦放題燒烤，包你夾到蝦，試到新鮮燒烤大頭蝦仲可以食到飽！每枱會包一隻海鮮船，牛肉拼盤。海鮮類有鮑魚，青口，大扇貝，蜆，鱔片，青花魚，秋刀魚，多春魚，墨魚仔，魷魚等等。肉類有自家醃製嘅牛仔骨，牛柳，BBQ豬扒，雞翼，雞腎，雞軟骨，雞肉串，蜜味雞扒，仲有冇醃製嘅豬肉片，牛肉卷等等。蔬菜類及丸類，大部份諗到嘅都有。飲品特別有清熱飲，等你燒完野食都冇咁熱氣。一次過就食到流水蝦+燒肉放題。其中流水蝦好乾淨，D蝦夠大隻又有蝦膏，蝦子。燒肉肉質及調味都不錯，而且地點方便，未試過食流水蝦燒烤可以一試。鍾意佢嘅甜品，其中有榴槤雪糕，仲有馬卡龍，Brownies，cream puffs。