馬家莊清真館 (Closed)

第一次食清真菜，男朋友仲話係帶我食放題，去到睇menu第一版又真係無價錢，差啲又俾佢扼左🤷因為第一次黎到，都係男朋友發板比較穩陣。我地叫左牛肉餅，大餅羊肉卷，京蔥羊肉水餃同埋咖喱羊腩飯。大餅卷係得獎菜式，卷皮，羊肉同埋帶酸既醬料味道好夾，咬落既口感好豐富，第一次食都覺得鍾意。牛肉餅，我同男朋友都覺得比大餅卷更值得攞獎，好在男朋友之前openrice過，知道肉汁非常多，所以切既時候都分外小心，果然一切，肉汁流到成個碟都係。食既時侯都係充滿肉汁，香香既肉味，yumyumyum。咖喱羊腩飯雖然我唔食咖喱，但係男朋友都夾左兩舊羊腩俾我試下，咖喱唔太辣，而肉質林而不老。