Pho Bar (Closed)

黎到中環搵食行下行下搵到PHO BAR裝修簡約型格肥仔揀左生熟牛肉金邊粉我就揀左至尊配翠玉瓜麵我開頭以為翠玉瓜麵係加翠玉瓜打出黎既麵條，原來係翠玉瓜切絲食落非常輕盈清新 麵絲非常掛湯完全吸哂香濃既湯底 好開胃飽肚之餘亦都減少吸收澱粉質肥仔果碗既牛肉片肉嫩無渣 牛味好濃而我既至尊配料非常多牛柳片外仲有牛栢葉 牛丸 牛腩 牛𩥇同扎肉 好豐富！另外叫左秘制雞翼同炸春卷秘制雞翼單骨處理 食得更方便企理雞翼撈左少少辣既千島醬好開胃唔會炸到乾哂仍然有肉汁 春卷網紋好靚 唔油膩 炸到熱辣辣 點埋酸辣醬汁食真係停唔到口呀青檸梳打有成粒青檸 飲落酸酸好清新非常舒服 成大枝梳打水慢慢嘆好爽呀！